Pasadzili ajcišnika ź litoŭskaj kampanii. Padobna, za kamientary i spravu Hajuna
Alaksandr Bihiel šmat hadoŭ pracavaŭ u kampanii Altabel i kiravaŭ raspracoŭkaj miedycynskaha prahramnaha zabieśpiačeńnia. Niadaŭna jaho asudzili pa troch palityčnych artykułach.
Minčuku Alaksandru Bihielu 44 hady. U 2005‑m jon skončyŭ inžynierna-ekanamičny fakultet Biełaruskaha dziaržaŭnaha ŭniviersiteta infarmatyki i radyjoelektroniki.
Paśla hetaha mužčyna pabudavaŭ paśpiachovuju karjeru ŭ IT: raspracoŭvaŭ servisy dla GPS-trekinhu i mabilnyja prahramy, stvaraŭ hulni na Android. Z 2018 hoda Alaksandr pracavaŭ u litoŭskaj kampanii Altabel Group, dzie daros da kiraŭnika kamandy i architektara. Jon zajmaŭsia vobłačnymi płatformami dla kliničnych daśledavańniaŭ i miedycynskim softam.
Alaksandra Bihiela zatrymali ŭvosień minułaha hoda.
U Minskim haradskim sudzie jaho sudzili adrazu pa niekalkich artykułach Kryminalnaha kodeksa: č. 1 art. 368 (abraza Łukašenki), č. 1 art. 130 (raspalvańnie varožaści) i č. 1 i č. 2 art. 361‑4 (sadziejničańnie ekstremisckaj dziejnaści). Pa źviestkach pravaabaroncaŭ, jamu prysudzili paŭtara hoda kałonii.
Padobna, što pieraśled Alaksandra źviazany ź internet-kamientarami i pieradačaj infarmacyi prajektu «Biełaruski Hajun».
Niadaŭna ŭ Homieli pa spravie Hajuna asudzili kalehu Alaksandra, staršaha raspracoŭščyka Altabel Andreja Kulikova.
«Naša Niva» — bastyjon biełaruščyny
PADTRYMAĆ
Kamientary