ES adchiliŭ Vienhryju ad unutranych pieramoŭ i sakretnaj infarmacyi z-za bojazi ŭciečak u Rasiju
Pieramovy viaducca ŭ niekalkich hrupach.
Jeŭrasajuz pačaŭ abmiažoŭvać udzieł Vienhryi ŭ kanfidencyjnych sustrečach z-za aściaroh, što Budapiešt moža pieradavać sakretnuju infarmacyju Maskvie, paviedamili Politico daśviedčanyja krynicy.
Pavodle ich słoŭ, heta pryviało da taho, što «značnaja častka jeŭrapiejskaj dypłamatyi» ciapier adbyvajecca ŭ farmacie małych hrup zamiest ahulnych pasiadžeńniaŭ z udziełam usich 27 krain-členaŭ ES.
Tak, pieramovy viaducca ŭ hrupach JeC (Francyja, Hiermanija, Vialikabrytanija), Je4 (tyja ž krainy plus Italija), «Viejmarski trochkutnik» (Hiermanija, Polšča, Francyja), NB8 (vosiem krain Paŭnočnaj Jeŭropy i Bałtyi) i inšych.
Urad premjer-ministra Vienhryi Viktara Orbana padtrymlivaŭ ciesnyja kantakty z Rasijaj na praciahu ŭsioj vajny va Ukrainie, raniej paviedamlali jeŭrapiejskija krynicy The Washington Post.
Jany adznačali, što ministr zamiežnych spraŭ krainy Pieter Sijarta vykarystoŭvaŭ pierapynki padčas sustreč z pradstaŭnikami inšych krain-členaŭ ES, kab telefanavać kiraŭniku MZS RF Siarhieju Łaŭrovu. Na hetym fonie premjer-ministr Polščy Donald Tusk zajaviŭ, što pradstaŭniki Orbana «va ŭsich padrabiaznaściach infarmavali Maskvu pra pasiadžeńni Rady ES».
«U nas daŭno byli padazreńni na hety kont. Heta adna z pryčyn, čamu ja biaru słova tolki ŭ vypadku krajniaj nieabchodnaści i kažu roŭna stolki, kolki treba», — napisaŭ Tusk u X.
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary
I heć [Red. Vydalena]-technołohaŭ, oj prabačcie, palit-techłołahaŭ z maskvy.
[Zredahavana]