U Litvie niedaloka ad miažy ź Biełaruśsiu ŭnočy ŭpaŭ i vybuchnuŭ dron
U Varenskim rajonie Litvy ŭnačy prahučaŭ vybuch. Pavodle papiarednich źviestak, tam moh upaści nieviadomy latučy abjekt, imavierna dron, paviedamlaje LRT.
Incydent adbyŭsia kala 3:04 nočy pobač ź vioskaj Łavisas, niepadalok ad adnajmiennaha voziera. Na videa, jakoje źjaviłasia ŭ ŚMI, čuvać huk palotu abjekta, paśla čaho praź niekalki siekundaŭ adbyvajecca vybuch. U niebie bačny ŭsplosk ahniu, a potym padajuć pałajučyja abłomki.
Pavodle infarmacyi litoŭskich vajskoŭcaŭ, abjekt moh pierasiekčy dziaržaŭnuju miažu pierad padzieńniem. Što mienavita heta było, pakul dakładna nie ŭstanoŭlena.
Na miescy zdareńnia pracujuć palicyja, ratavalnyja słužby i inšyja śpiecyjalisty. Taksama tudy nakiravany viertalot vajskova-pavietranych sił dla nazirańnia z pavietra. Ułady aktyvavali śpiecyjalny płan reahavańnia.
Śviedki paviedamlajuć, što na lodzie voziera bačnyja abłomki, jakija mohuć naležać abjektu, jaki ŭpaŭ. Aficyjnyja struktury paćviardžajuć, što abstaviny zdareńnia ciapier vyśviatlajucca, i abiacajuć dać bolš padrabiaznuju infarmacyju paźniej.
Kamientary