Vyznačylisia ŭdzielniki finałaŭ stykavych matčaŭ adboru na čempijanat śvietu pa futbole
Vyrašalnyja hulni — 31 sakavika.
Učora viečaram i siońnia nočču prajšli 10 stykavych matčaŭ stykaŭ na čempijanat śvietu pa futbole. U Jeŭropie prajšli vosiem hulniaŭ, u Mieksicy byli zhulanyja dva mižkantynielnyja styki.
Zbornaja Šviecyi pieramahła Ukrainu ź likam 3:1. Polšča pieramahła Ałbaniju 2:1.
Italija vyjhrała ŭ Paŭnočnaj Irłandyi 2:0, a Bośnija ŭ sieryi pienalci prajšła Uels.
Kosava vyjhrała ŭ haściach u Słavakii 4:3, a Turcyja pieramahła Rumyniju 1:0.
Danija razhramiła Paŭnočnuju Makiedoniju 4:0, a Čechija ŭ sieryi pienalci abyhrała Irłandyju.
Siońnia nočču prajšli mižkantynientalnyja styki, matčy hulalisia ŭ Mieksicy.
Balivija pieramahła Surynam 2:1, a Jamajka — Novuju Kaledoniju 1:0.
U finalnych matčach 31 sakavika zhulajuć
- Bośnija — Italija
- Čechija — Danija
- Kosava — Turcyja
- Šviecyja — Polšča
- Irak — Balivija
- DR Konha — Jamajka
Usie jeŭrapiejskija kamandy zhulajuć a 21:45 pa biełaruskim časie. Finały mižkantynientalnych stykaŭ pačnucca a 23-j.
Pieramožcy hulniaŭ vyjduć na čempijanat śvietu pa futbole, jaki projdzie z 11 červienia da 18 lipienia ŭ ZŠA, Kanadzie i Mieksicy. Upieršyniu na im buduć udzielničać 48 zbornych.
Kamientary