U Rasii siońnia niekatoryja vyjšli pratestavać suprać błakirovak internetu
Akcyi sprabavali napiaredadni raśpijaryć u sacsietkach, ale va ŭmovach zapałochvańnia hramadstva masavych pratestaŭ nie zdaryłasia.
U Rasii na siońnia płanavalisia akcyi pratestu suprać błakirovak internetu. Pra kolkaść udzielnikaŭ nieviadoma. U Maskvie i inšych rasijskich haradach zatrymali 16 čałaviek, piša «Ahienctva». Niekatorych paśla adpuścili.
Rasijskija ŭłady nie dazvolili nivodnaj akcyi suprać abmiežavańniaŭ internetu. A ŭ dzień zabaronienych pratestaŭ u Maskvie na Bałotnaj płoščy, Sankt-Pieciarburhu na płoščy Lenina i ŭ centry Jekaciarynburha kala płoščy 1905 hoda i kala płoščy Pracy było vystaŭlena palicejskaje ačapleńnie. U Murmansku žychary sutyknulisia z abmiežavańniem internetu, a ŭ centry horada byli zaŭvažany palicejskija aŭtazaki i patruli «Ruskaj abščyny».
Na videa, jakija publikavalisia, bačna, jak na Bałotnaj płoščy ŭ Maskvie hulajuć dziasiatki čałaviek, siarod jakich šmat maładych ludziej, ale chto ź ich pratestoŭcy, zrazumieć niemahčyma.
U rajonie płoščy było zatrymana nie mienš za 12 čałaviek, paviedamiła «AVD-Infa». Pieršym za zdymku ŭdzielnikaŭ niaŭzhodnienaj akcyi byŭ zatrymany 72‑hadovy pravaabaronca i były saviecki dysident Alaksandr Padrabiniek (praź niekalki hadzin jaho adpuścili z palicyi). Adzin z zatrymanych vyjšaŭ na płošču z płakatam «Nie vajnie».
Niekalki čałaviek zatrymali ŭ inšych haradach.
U dni pierad akcyjami siłaviki zatrymlivali 10 aktyvistaŭ.
Apošni raz 12 čałaviek na pratesnaj akcyi ŭ Maskvie (tady pratestavali svajački mabilizavanych) byli zatrymany ŭ vieraśni 2024 hoda.
Rasijski palittechnołah Dźmitryj Kisijeŭ, jaki pieršapačatkova anansavaŭ mitynhi suprać błakirovak na 29 sakavika, paviedamiŭ pra płany padać zajaŭki na novyja akcyi na 12 krasavika.
Ciapier čytajuć
62‑hadovaja biznesvumen i miljanierka Iryna Ciareščanka padzialiłasia historyjaj svajho kachańnia z mužčynam, na 20 hadoŭ małodšym za jaje8
Kamientary