16‑hadovy chłopiec zastaŭsia bieź sielazionki paśla niaŭdałaha žartu nad adnakurśnikam
Incydent adbyŭsia padčas zaniatkaŭ u kaledžy.
Kali vykładčyk nienadoŭha vyjšaŭ z aŭdytoryi, adzin z vučniaŭ padyšoŭ da adnakurśnika i rezka vyciahnuŭ kresła z-pad jaho. Padletak utrymaŭsia na nahach i vyrašyŭ nie kanfliktavać, paličyŭšy toje niaŭdałym žartam, pišuć Minsk-naviny.
Adnak nieŭzabavie adnakurśnik paŭtaryŭ svoj učynak. Na hety raz chłopiec upaŭ na padłohu. Razzłavany, jon padniaŭsia, padyšoŭ da chłopca, šturchnuŭ jaho dźviuma rukami, a zatym udaryŭ nahoj u žyvot.
Paciarpiełaha 16‑hadovaha padletka dastavili ŭ balnicu z razryvam sielazionki. Jamu praviali apieracyju pa vydaleńni orhana.
Jak raskazała pamočnica prakurora Maskoŭskaha rajona Kaciaryna Sienažackaja, abvinavačany raniej nie pryciahvaŭsia da kryminalnaj adkaznaści i całkam pryznaŭ vinu. Jaho rodnyja vypłacili paciarpiełamu 6 tysiač rubloŭ u jakaści kampiensacyi maralnaj škody.
Sud pryznaŭ junaka vinavatym va ŭmysnym pryčynieńni ciažkaha cialesnaha paškodžańnia, niebiaśpiečnaha dla žyćcia i jakoje pryviało da straty orhana. Jamu pryznačana pakarańnie ŭ vyhladzie chatniaj chimii na 1 hod i 6 miesiacaŭ.
Ciapier čytajuć
Čamu YouTube vydaliŭ kanały BiełTA, STB i ANT? Voś što viadoma11
Kamientary