U lasach naciahnuć bolš sietak, kab pierakryvać darohu dzikim žyviołam
U lasnoj halinie płanujuć šyrej vykarystoŭvać sietkavyja aharodžy dla abarony maładoha lesu ad dzikich žyvioł. Vopyt Minskaha abjadnańnia lasnoj haspadarki pa ŭstalavańni takich aharodžaŭ prapanujecca pieraniać i inšym rehijonam, paviedamiła pres-słužba Minlashasa.
Ministr lasnoj haspadarki Alaksandr Kulik adznačyŭ, što byŭ uražany tym, jak u Staŭbcoŭskim lashasie vykarystoŭvajuć sietki dla abarony lesapasadak. Raniej tam nabyli abstalavańnie dla samastojnaha vyrabu sietak, što dazvoliła istotna źnizić vydatki na abaronu — prykładna ŭdvaja.
Padkreślivajecca, što sietki možna vykarystoŭvać paŭtorna, u adroźnieńnie ad inšych aharodžaŭ, da taho ž jany nie patrabujuć składanaj utylizacyi paśla vykarystańnia.
Ministr pastaviŭ zadaču, kab u kožnym abłasnym abjadnańni vyvučyli hety dośvied i arhanizavali ŭłasnuju vytvorčaść takich sietak. Heta pavinna dazvolić lashasam samastojna zabiaśpiečvać siabie nieabchodnymi materyjałami.
Za apošnija piać hadoŭ u krainie takim čynam abharadzili kala 25 tysiač hiektaraŭ maładych lasoŭ, što dapamahło abaranić ich ad paškodžańnia dzikimi žyviołami.
Kamientary