Delehacyja Nacyjanalnaha alimpijskaha kamiteta na čale ź Viktaram Łukašenkam biare ŭdzieł u VIII Mižnarodnym forumie etnasportu, jaki prachodzić u Antalji (Turcyja) z 3 pa 5 krasavika, paviedamlaje NAK.
Klučavoj temaj forumu staŭ Ethnosport 2027 — maštabnaje multyspartyŭnaje mierapryjemstva, jakoje abjadnoŭvaje tradycyjnyja vidy sportu i hulni. Płanujecca, što na forumie ŭdzielniki vypracujuć darožnuju kartu prajekta.
U rabočaj prahramie kiraŭnika NAK Biełarusi zapłanavany pieramovy z prezidentam Suśvietnaj kanfiederacyi etnasportu, ministram sportu i maładziožnaj palityki Turcyi synam prezidenta Turcyi Redžepa Taipa Erdahana Biłalem Erdahanam, udzieł u plenarnaj siesii, a taksama sustrečy z kiraŭnikami šerahu zamiežnych delehacyj i kiraŭnikami spartyŭnych halin.
U forumie prymajuć udzieł kala 50 arhanizacyj-členaŭ z 29 krain, a taksama pradstaŭniki dziaržorhanaŭ, fiederacyj i akademičnaj supolnaści.
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary