Šrajbman pra toje, ci pajeduć masava rasijanie ŭ Biełaruś z-za błakirovak internetu i čamu heta nie prablema
«Ź siońniašniaha pułu rasijskaha hramadstva heta, na moj pohlad, dakładna nie horšyja ludzi».
Analityk Arciom Šrajbman u vypusku jutub-prahramy «Hadzińničak cikaje» adreahavaŭ na naviny, što z-za błakirovak internetu i zachodnich sacsietak rasijanie mohuć pačać pierajazdžać u Biełaruś.
Šrajbman zaŭvažaje, što kali takaja mihracyja i budzie, to nie masavaja.
«Sotni tysiač rasijan nie padymucca i nie źmieniać miesca žycharstva tolki tamu, što ŭ ich mabilny internet ci fejsbuk, telehram pačali łahać ci nie pracavać. Kali jany pierajeduć (mahčyma, sotni, mahčyma, tysiačy), to ŭ pamierach krainy heta niašmat. Ja dumaju, heta budzie takaja vybarka ludziej, jakija davoli matyvavanyja, jakija estetyčna i etyčna nie prymajuć hetyja zabarony.
Jany, mahčyma, nie źjechali raniej z Rasii z-za vajny i nie pratestavali suprać vajny, bo nie byli palityzavanyja dastatkova, mahčyma, byli vielmi maładymi, kali pačałasia poŭnamaštabnaja vajna.
Ale ź siońniašniaha pułu rasijskaha hramadstva heta, na moj pohlad, dakładna nie horšyja ludzi. I ja dumaju, što pryjezd takich ludziej u Biełaruś nie abaviazkova aznačaje, što da nas niejkaja arda pryjechała. Ja b usio ž nie mazaŭ usich rasijan adnoj farbaj».
Da taho ž u Biełarusi demahrafičnaja prablema, i krainie ŭsio roŭna pryvodzicca pryciahvać pracoŭnych mihrantaŭ. A rasijanam, jakija biahuć ad zabaron, razvažaje Šrajbman, praściej ulicca ŭ naša hramadstva.
«Što adbyvajecca (pra heta kazaŭ Dźmitryj Hurnievič sa «Svabody» i šmat chto inšy) — u pierapisach Biełarusi praź dziesiacihodździ bačny trend, u jakim rasijanie asimilujucca i stanoviacca biełarusami».
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
Ciapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary
1) tak - arda (čytaj K. Marksa)
2) pry hetym, ich Biełarusavać budzie nie ciažka , praz movu ŭ historyju VKŁ