Šmat hadoŭ jon addaŭ pracy na kafiedry biełaruskaj litaratury Biełaruskaha dziaržaŭnaha ŭniviersiteta.
U 75 hadoŭ pajšoŭ z žyćcia krytyk i litaraturaznaŭca Anatol Vierabiej. Jon byŭ daśledčykam tvorčaści Uładzimira Karatkieviča.
Anatol Vierabiej naradziŭsia 10 žniŭnia 1950 hoda ŭ vioscy Vajniłavičy Mastoŭskaha rajona Hrodzienskaj vobłaści ŭ siamji nastaŭnikaŭ. U 1972 hodzie skončyŭ fiłałahičny fakultet Biełaruskaha dziaržaŭnaha ŭniviersiteta.
Byŭ navukovym supracoŭnikam u Instytucie movaznaŭstva imia Jakuba Kołasa Akademii navuk, paśla — u Instytucie litaratury imia Janki Kupały. Z 1990 pa 2020 hady pracavaŭ dacentam kafiedry biełaruskaj litaratury Biełaruskaha dziaržaŭnaha ŭniviersiteta. Kandydat fiłałahičnych navuk.
Litaraturaznaŭca vydaŭ knihi «Maksim Tank i polskaja litaratura» (1984), «Žyvaja poviaź časoŭ; Narys tvorčaści Uładzimira Karatkieviča» (1985), «Biełaruska-rasijski paetyčny ŭzajemapierakład 20— 30‑ch hadoŭ» (1990), brašuru «Paezija Maksima Tanka» (1983). Udzielničaŭ u vydańni zboraŭ tvoraŭ Uładzimira Karatkieviča, Pilipa Piestraka.
Kamientary
Za vašu pracu, za našu biełaruskaść
Pakojciesia ŭ spakoi