Izrail zajaviŭ, što spynieńnie ahniu nie raspaŭsiudžvajecca na Livan
Livan nie źjaŭlajecca ŭdzielnikam dvuchtydniovaha pahadnieńnia ab spynieńni ahniu pamiž ZŠA, Izrailem i Iranam, havorycca ŭ zajavie ofisa premjer-ministra Izraila Bińjamina Nietańjachu.
«Izrail padtrymlivaje rašeńnie prezidenta Trampa prypynić naniasieńnie ŭdaraŭ pa Iranie na dva tydni pry ŭmovie, što Iran nieadkładna adkryje pralivy i spynić usie napady na ZŠA, Izrail i krainy rehijona»,— adznačajecca ŭ zajavie.
Pry hetym śćviardžajecca, što dvuchtydniovaje spynieńnie ahniu «nie raspaŭsiudžvajecca na Livan».
Jak adznačaje CNN, pazicyja Izraila supiarečyć zajavie premjer-ministra Pakistana, jaki vystupiŭ pasiarednikam u zaklučeńni damoŭlenaści pamiž ZŠA i Iranam — u jaho zajavie havaryłasia, što pahadnieńnie ŭklučaje i Livan. Tramp u svajoj zajavie Livan nie zhadaŭ.
Z pačatku sakavika Izrail pravodzić vajennuju kampaniju na poŭdni Livana, nakiravanuju suprać bajevikoŭ «Chiezbały», jakija padtrymlivajucca Iranam.
Kamientary