Drybinski rajon — samy maleńki ŭ Biełarusi — pryraście na 100 kvadratnych kiłamietraŭ
Za košt Mahiloŭskaha, Škłoŭskaha i Horackaha rajonaŭ.
Płošča Drybinskaha rajona pavialičycca prykładna na 100 kvadratnych kiłamietraŭ (10 tysiač hiektaraŭ) paśla ŭzbujnieńnia za košt dałučeńnia terytoryj susiednich rajonaŭ. Pra heta zajaviŭ kiraŭnik Mahiloŭščyny Anatol Isačanka, piša BiełTA.
«Siońnia ŭ nas try sielskahaspadarčyja pradpryjemstvy ŭ Drybinskim rajonie. U vyniku rearhanizacyi ich budzie šeść. Rajon pavialičycca pa płoščy prykładna na 10 tysiač hiektaraŭ. Heta budzie siaredniestatystyčny rajon Mahiloŭskaj vobłaści», — skazaŭ Anatol Isačanka.
Uzbujnieńnie płanujecca za košt ziamiel Mahiloŭskaha, Škłoŭskaha i Horackaha rajonaŭ. Pry hetym padychod praduhledžvaje nie prosta pašyreńnie terytoryi, ale i pieradaču dziejnych pradpryjemstvaŭ.
Drybinski rajon — samy maleńki ŭ Biełarusi, jaho płošča ŭsiaho 767 kvadratnych kiłamietraŭ, nasielnictva — 8922 čałavieki. Tut tolki čatyry sielsaviety.
Drybinski rajon byŭ zasnavany ŭ 1924 hodzie ŭ składzie Aršanskaj akruhi i dvojčy skasoŭvaŭsia: u 1931 i 1959 hodzie. U 1959 hodzie jaho terytoryja była padzielenaja pamiž Škłoŭskim, Horackim, Čavuskim i Mścisłaŭskim rajonami. Adnoŭleny ŭ 1959 hodzie. U samim Drybinie žyvie 2877 čałaviek.
Kamientary