Ad harodniny i ryby da nasieńnia i miodu. U Minsku pačaŭ pracu viasnovy kirmaš
4 krasavika kala «Čyžoŭka-Areny» ŭ Minsku razharnuŭsia viasnovy kirmaš. Staličnyja i rehijanalnyja pradaŭcy prapanujuć naviedvalnikam nie tolki vialiki asartymient aharodniny, tak zvany nabor dla baršču, ale i sadavinu, i miasnuju viandlinu, i chlebnyja vyraby, a taksama sadžancy i nasieńnie dla sadu i aharoda, piša «Źviazda».
Šyrej za ŭsio pradstaŭlenyja bulba, roznyja miasnyja vyraby i jabłyki.
Typovy «nabor dla baršču» (kapusta + cybula + bulba i buraki) sumarna budzie kaštavać ad 4 da 10 rubloŭ — inhredyjenty prapanujuć u siarednim ad 2‑3 rubloŭ, choć, prajšoŭšy pa radach, možna znajści i tańniej — usiaho pa rubli. Da baršču prapanujuć i roznyja miascovyja chlaby. U siarednim za kiłahram abo pałovu vialikaj narezanaj buchanki čornaha chleba prosiać dziesiać rubloŭ.
Na desiert možna ŭziać vitaminaŭ: jabłyki karystajucca vialikim popytam, ich prapanujuć pa 4 rubli za kiłahram, bolš daŭhaviečnaja viersija ŭ vyhladzie suchafruktaŭ budzie kaštavać užo 8 rubloŭ.
Amataram sałodkaha pryjdziecca zapłacić daražej za ŭsio — miod prapanujuć za 20‑35 rubloŭ za kiłahram. Rannija ciapličnyja abo zamiežnyja kłubnicy abyducca pa 20 rubloŭ.
Vialikaja čarha pierad pryłaŭkam z arechavymi naborami i suchafruktami. Pradaviec addaje pražany arachis pa 9 rubloŭ za kiło. Kampotnaja sumieś suchafruktaŭ abydziecca krychu tańniej, usiaho pa 6 rubloŭ.
Viandlinu prapanujuć u dyjapazonie ad 25 da 40 rubloŭ za kiłahram, u zaležnaści ad taho, što ŭziać — sała, kaŭbasu ci palandvicu.
Dla amataraŭ ryby pradaŭcy hatovyja prapanavać jaje sušanuju i žyvuju. Naprykład, žyvoha karpa prapanujuć u rajonie 6,95 — 7,50 rubla, u zaležnaści ad pamieru. Tańniej za ŭsio možna ŭziać žyvoha taŭstałobika — usiaho pa 6,07 rubla.
Jajki biaruć optam, pa 2‑3 upakoŭki. Za dziasiatak prosiać pa 2‑4 rubli, u zaležnaści ad katehoryi.
Dačnikaŭ paraduje vialiki vybar sadžancaŭ i rasady kvietak. Tut lidarami prapanovy vystupajuć parečki, bujaki i kłasičnyja dačnyja fijałki. Cybula-siavok pradajecca pa 10‑12 rubloŭ.
Taki viasnovy kirmaš prachodzić u stalicy ŭpieršyniu paśla zimy. Zrabić pakupki možna ŭ vychadnyja dni krasavika z 8 da 16 hadzin. Padobnyja kirmašy płanujuć maštabavać i na inšyja rajony Minska.
Kamientary