Hanna Bond pakpiła nakont «vyćcia z bałot» pra aryšty ŭ architekturnym biuro «Zrobim». Och joj i adkazali
Biełarusy adreahavali na hety post vielmi emacyjna.
«Vyćcio stajała z bałot, što nakryli architekturnaje biuro. Pa tradycyi Treds vyŭ dva dni, potym usie zabylisia. Pahladzieła repartaž — sumy ŭražvajuć. Pytańnie padatkovaje. Chacieła b ja daviedacca, a jak tam u ich za miažoj vy**vajuć za takija schiemy? Jašče škada, što jutub prybili. Pakul znajšła, dzie pahladzieć naviny ŭ zapisie, ažno spacieła», — prakamientavała Hanna Bond (Bandarčuk) u sacsietcy Threads cikaŭnaść siłavikoŭ da architekturnaj studyi ZROBIM architects.
Krytyčnyja vodhuki sabrali našmat bolš łajkaŭ, čym post błohierki. Bolš za toje, mnohija vodhuki byli vielmi rezkija.
Adzin z kamientataraŭ vykazaŭ mierkavańnie, što takim čynam błohierka sprabuje prademanstravać łajalnaść uładam, kab viarnuć sabie prava pracavać na karparatyvach.
«Vylizvajem sabie prabačeńnie?))) I jak? Jość vyniki? Dazvalajuć vieści karparatyvy? Ci pakul nie?» — iranizujuć u kamientarach.
Inšy kamientatar adznačaje, što «Hanna ideałahična adkalibravanaja i hatovaja da pracy na dziaržaŭnym TB».
«U studyju jaje, pobač z Azaronkam. Zapał užo adpaviedny», — pišuć pad pastom.
Nie abyšłosia i biez zaklikaŭ da sumleńnia: «Ci možna, bł**, zachavać reštki sumleńnia? Ty ž viedaješ, za što ich razhramili i jak heta ŭ RB robicca».
Hučać i pacanska-fiłasofskija sientencyi: «Čałavieka, jaki zhadžajecca, kab jaho abascali zamiest pabićcia, i pabjuć, i abascuć».
U padtrymku mierkavańnia Hanny Bandarčuk nie vykazaŭsia ni adzin čałaviek.
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ7
Brendavaja sumačka za $4 tysiačy i bryljanty. Vice-mis Biełarusi Alija Karotkaja schadziła ź siabroŭkaj pajeści dranikaŭ
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary
[Zredahavana]