Hanna Bond plujecca ad kancerta Aleha Majami. Pasprabavała navat viarnuć hrošy
Za svoj kvitok błohierka zapłaciła 235 rubloŭ, ale miescam była niezadavolenaja. Byli pytańni i da taho, jak rasijski śpiavak źviartajecca da zały — Hanna pabačyła ŭ jaho słovach niepavahu.
Błohierka Hanna Bond schadziła na kancert rasijskaha śpievaka Aleha Majami ŭ Falcon Club Arena.
— Heta było tak žudasna, što lepš by ja schadziła na Taisiju Pavalij. Jana chacia b intelihientnaja žančyna, — raskazała Hanna ŭ instahramie.
Pačałosia ŭsio z taho, što błohiercy nie spadabalisia miescy, kvitki na jakija kaštavali 235 rubloŭ. Hanna prademanstravała videa: jana siadzieła amal na ŭzroŭni kulis, toje, što adbyvajecca na scenie, sapraŭdy drenna bačna. Pry hetym takija miescy išli ŭ katehoryi VIP.
— Kaniešnie, siabry, heta było nieprymalna zastavacca i hladzieć kancert z tych miescaŭ, dzie niama čaho było hladzieć — i niemahčyma. Kaniešnie, my pajšli z kancerta, papiarednie napisaŭšy zajavu na kampiensacyju srodkaŭ. Ale nam prapanavali zrabić fota z zorkaj — kštałtu, heta budzie kampiensacyja.
Hannu aburyła takaja prapanova vyrašeńnia prablemy. U vyniku błohierka ŭsio ž pajšła.
Raskrytykavała jana taksama toje, jak Aleh Majami razmaŭlaje z aŭdytoryjaj. Błohierka apublikavała frahmient, dzie artyst kaža adnoj z hladačak: «Dy ty piz*š».
— A potym, jak možna ciarpieć hetuju pošłaść sa sceny? Kožny raz pamiž paŭzami. Dziaŭčaty, treba pavažać siabie, kali artyst nie pavažaje. Da žachu pošłyja manałohi-dyjałohi. Prystojnyja ludzi na publičnych mierapryjemstvach nie pavinny sabie takoje dazvalać.
Na tym kancercie była i «Mis Biełaruś 2023» Eleanora Kačałoŭskaja. Vyhladaje, što jaje maciuki artysta nie zasmucili. Jana ščaśliva tančyła razam ź inšymi ŭdzielnicami konkursu pryhažości.
Chedłajnieram apošniaha zvanka ŭ Minsku staŭ niaŭdały ŭdzielnik «Doma-2». Chto taki Aleh Majami?
Hanna Bond u zachapleńni ad kancerta Lepsa. Ale pakryŭdziłasia na abureńnie svaich padpisčykaŭ
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
«Najhoršy kancert u maim žyćci»: biełaruska paskardziłasia na vystup «Ivanušak» u Minsku i nabrała 2 miljony prahladaŭ
Padpałkoŭnika z fakulteta vajskovaj raźviedki sudziać za «zdradu dziaržavie» pa spravie, jakaja vyhladaje palityčnaj. Što pra jaho viadoma?6
Kamientary