Unučka Mašerava publična pavinšavała z dniom naradžeńnia svaju maci. Ździviła mova vinšavańnia
Unučka kolišniaha kiraŭnika savieckaj Biełarusi Piatra Mašerava Kaciaryna, choć naradziłasia i vyrasła ŭ Minsku, daŭno žyvie ŭ amierykanskim Čykaha. I za hety čas užo tak intehravałasia ŭ miascovuju rečaisnaść, što navat svaju maci, Natallu Mašeravu, u fejsbuku vinšuje pa-anhlijsku.
Praŭda, u anhłamoŭnym tekście vinšavańnia sustrakajucca nieŭłaścivyja dla hetaj movy vyrazy Mamochka i nebesnaja krasavica, što nadaje jamu admysłovy kałaryt.
Pry hetym Piatro Mašeraŭ uvajšoŭ u historyju jak lidar, jaki za 15 hadoŭ svajho kiravańnia BSSR zrabiŭ vielmi šmat dla taho, kab Biełaruś stała ruskamoŭnaj krainaj. Ale pa ironii losu navat jahonyja najbližejšyja svajaki dla kamunikacyi pamiž saboj abirajuć movu zusim inšuju — prytym takuju, jakaja pry žyćci Mašerava była movaj hałoŭnaha idejnaha praciŭnika.
Zrešty, u hetaj situacyi niama ničoha ŭnikalnaha. Varta pryhadać choć by toje, što rodny syn usiesajuznaha lidara Mikity Chruščova, jaki ź impetam abiacaŭ «zakapać» Amieryku, adrazu paśla raspadu SSSR pierabraŭsia ŭ ZŠA i žyŭ tam da samaj śmierci, atrymaŭšy amierykanskaje hramadzianstva. A dla adnoj z unučak Iosifa Stalina anhlijskaja mova ŭvohule źjaŭlajecca rodnaj.
Kamientary