Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Jak adna źnižka na picu vyklikała sprečku pra spažyviecki teraryzm.
Historyja, jakaja pačałasia z pajezdki ŭ kaviarniu «Haraž», chutka pieratvaryłasia ŭ dyskusiju pra čałaviečny servis i «spažyviecki teraryzm».
Dziaŭčyna apisała situacyju ŭ Treds: jany z mužam zahadzia zamovili ježu navynas u kafe «Haraž», kab nie čakać z hrudnym dziciom u zale.
«Zahadzia aformili zakaz, kab chutčej usio było hatova, bo nie jeli ceły dzień. Syn zasnuŭ pa darozie, tamu zakazali samavyvaz. Ale jak tolki my spynilisia, jon pračnuŭsia, i było vyrašana pajści ŭ kaviarniu. Pryjšli — u zale było zaniata ŭsiaho čatyry stały. My vybrali samy addaleny stoł, kab nie pieraškadžać ź dziciom. Razabralisia, vybirajem dadatkova stravy da taho, što ŭžo zamovili. My hatovyja zrabić zakaz, a nam adkazvajuć, što ŭ nas jość ježa, jakuju treba vynieści», — apisvaje dziaŭčyna.
Na sajcie i ŭ rekłamie «Haraža» sapraŭdy paznačana: pry zamovie «z saboj» dziejničaje źnižka 20%. Heta standartnaja praktyka, kab stymulavać samavyvaz i razhružać zału. Ale ŭ praviłach niama vyraznaha tłumačeńnia, što rabić u situacyi, kali klijent choča źmianić farmat užo na miescy.
«My prapanavali apłacić poŭnaściu, tamu što byli vielmi hałodnyja i chacieli chutčej pajeści, ale nam arhumientavali, što nielha. My nie razumiejem, što nam rabić u takoj situacyi. My hałodnyja, ale «vy možacie vypić čaj i źjeści toje, što zamovicie asobna».
Ja nie razumieju, čamu tak atrymałasia, u zale ludziej zusim mała, my nikomu nie pieraškadžali, zdaryŭsia fors-mažor. Stała žudasna niepryjemna. My zabrali ježu i pajechali dadomu.
Na moj pohlad, možna było pajści nasustrač jak vyklučeńnie. My ž zahadzia ŭsio abdumali i ź dziciem nie płanavali tam jeści, kali b dzicia spała. Škada času i hrošaj», — piša jana.
«Heta pra praviły ci pra ludziej?»
U kamientaryjach pad pastom chutka sfarmavalisia dva łahiery.
Adny ličać: ustanova mahła pajści nasustrač.
«Hospadzi, jakija ŭsie złyja! Kali zały pustyja — u čym prablema nakarmić ludziej sa źnižkaj? Jakaść servisu ŭ Biełarusi — nul».
«Kali klijenty byli hatovyja dapłacić, možna było admianić zakaz i zrabić novy. Klijentaaryjentavanaść — heta pra hnutkaść», — pišuć karystalniki.
Inšyja ž nahadvajuć: źnižka na samavyvaz — heta abaviazkovaja ŭmova.
«Na samavyvaz -20%. Łahična, što vam nie dazvolili jeści ŭnutry», — adznačaje adzin z kamientataraŭ.
«Sam sprabavaŭ heta. Vyrašyŭ zamović śniadanak praz dadatak, kab chutčej usio było hatova. Tam niama opcyi jeści na miescy — tolki samavyvaz. Mnie nie dazvolili jeści ŭnutry — pryjšłosia zabirać», — raspaviadaje pra svoj dośvied inšy karystalnik.
«Pavinna było być: možna było ŭvajści ŭ stanovišča, admianić źnižku i dać vam pajeści. Tut pahadžusia. Ale čamu vy nie paznačyli ŭ paście, što na samavyvaz 20% źnižka? Heta ŭsio mianiaje karcinu. Biez hetaj detali vyhladaje skažona», — adznačajuć u kamientarach.
«Vaša «prablema» vyrašajecca na miescy za 2 chviliny. Dadać pracent za absłuhoŭvańnie, kali jość. Kali na vynas była źnižka — jaje prybrać. Kali sistema nie dazvalaje — paklikać mieniedžara», — dadajuć kamientatary.
«Nu łahična, u «Haražy» na samavyvaz źnižka 20%.
Jak varyjant — praz padtrymku źmianić zakaz u prahramie i dapłacić. Ci admianić jaho i zrabić novy ŭ zale», — pišuć u kamientarach.
«Spažyviecki teraryzm» ci narmalny zapyt?
Častka karystalnikaŭ abvinavaciła aŭtarku ŭ sprobie schitravać: atrymać źnižku jak na samavyvaz i pry hetym skarystacca załaj.
«Heta nazyvajecca spažyviecki teraryzm», — napisaŭ adzin z kamientataraŭ.
«Chutčej za ŭsio, vy prosta vyrašyli schitravać — vy ž hości, u čym tut fors-mažor?» — pišuć u kamientarach.
Inšyja pajšli dalej: maŭlaŭ, takija historyi — heta cisk na biznes praz sacsietki.
Ź inšaha boku, jość i supraćlehły arhumient: ludzi nie zaŭsiody dumajuć pra «schiemy», časam heta prosta žyćciovaja situacyja — daroha, dzicia, stomlenaść.
Aficyjny adkaz «Haraža»
Sam «Haraž» adreahavaŭ u kamientaryjach davoli chutka.
«My škadujem, što vy apynulisia ŭ takoj situacyi i pastarajemsia maksimalna apieratyŭna razabracca ŭ tym, što adbyłosia. Napisali vam u asabistyja paviedamleńni dla ŭdakładnieńnia detalaŭ», — napisali jany.
Zatym u asobnym kamientary pryznali, što supracoŭnica dziejničała pavodle instrukcyi, ale nie prajšła «łakmus na čałaviečnaść».
«Chacieli b prakamientavać situacyju. Tak, u nas sapraŭdy jość abmiežavańnie dla zakazaŭ «z saboj», i jak akazałasia, žyćciovyja situacyi mohuć parušać lubyja praviły. Abaviazkova dapracujem skrypty dla kamandy, kab u pahoni za standartami nie hublałasia hałoŭnaje — čałaviečnaść i ciopłaje staŭleńnie da haściej.
Dziaŭčyna, jakaja raźmiaściła post, dapamahła ŭbačyć, dzie sistema dała zboj», — adkazali ŭ kaviarni.
I tut kamientatary padzialilisia na dva łahiery.
«Jakija vy małajcy! Vydatny adkaz», «Vy małajcy, ale jana nie maje racyju» — pišuć adnyja.
«Ja suprać takoj pazicyi. Chopić užo sastupać», «Kali ŭstanova pačnie abaraniać svaje praviły? Uziali samavyvaz pa akcyi — ježcie za miežami. Chočacie tut — płacicie. Ale sumleńnie majcie. Kryŭdna za supracoŭnikaŭ», — napisali inšyja.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
• ABŠČAPIT I VYHANIAJE •
🍗 I šo, nielha zavitvać u darahija restaracyi sa svaimi nožkami Buša? Dy j protčaj ježaj, zahornutaj, naprykład, u parcianačku?! Ź jakoj paciahnie taksama vodaram cybuli j tolki što najhučna — kab až z recham pa zali — raźbitaha jajka ab tamtejšy stoł. A kali padbiažyć vyškaleny j kamičny ŭ svajej elehantnaści aficyjant z patańniem: «Čaho žadajecie-s?», to nielha adkazać jamu: «Dy pastaŭcie vy narmalovuju muzyku, a to jeści pad vašuju šarmanku niejak niazručna»?
🌮 U «arcikule» ž zusim apisany niejki dziki-najdzikunski vypadak, kab nielha było zhámać za ichnim stałkom navat nabytaje ŭ ich samich. Padobna, zusim užo znachabiŭsia naš peŭny «abščapit»!
.