Tamara Vińnikava pradała svoj łondanski dom, zaviešany karcinami samoj siabie ŠMAT FOTA
Byłaja staršynia Nacbanka źbiehła z-pad chatniaha aryštu ŭ 1999 hodzie i z taho času žyła ŭ Łondanie. U 2003 hodzie jana kupiła dom na cichim zavułku niedaloka ad znakamitaha stadyjona Uembli. Jana pražyła tam čverć stahodździa i ciapier pradała dom za $1 miljon, chacia spačatku chacieła značna bolš.
77‑hadovaja Tamara Vińnikava — fihura z dalokaha minułaha. Hetaja efiektnaja ŭradženka Staŭrapolskaha kraja ŭvajšła ŭ administracyjnuju elitu krainy z prychodam Łukašenki da ŭłady. Vińnikavu ličyli jaho samym hałoŭnym daradcam pa bankaŭskich i ekanamičnych pytańniach.
U lutym 1996 stała kiraŭnikom Nacyjanalnaha banka.
Praŭda, inšyja topavyja bankaŭskija fihury i funkcyjaniery taho času ličyli Vińnikavu vyskačkaj i źviazvali karjernyja pośpiechi z asabistymi, a nie prafiesijnymi jakaściami.
Jak by tam ni było, zorka Vińnikavaj zhasła imkliva. Žančynu aryštavali ŭ pačatku 1997 hoda pa abvinavačvańni ŭ karupcyjnych złačynstvach. Prosta pasiarod narady z Łukašenkam jaje zapiskaj vyklikali ŭ susiedni kabiniet, ź jakoha pavieźli ŭžo ŭ SIZA KDB.
Vińnikava prasiadzieła tam u adzinočcy 10 miesiacaŭ, paśla čaho jaje pieraviali pad chatni aryšt. Adtul jana i źbiehła ŭ krasaviku 1999-ha.
Abjaviłasia Vińnikava sama ŭ kancy 1999‑ha — pazvaniła ŭ «Biełaruskuju dziełavuju hazietu», raskazała, što ŭciakła ŭ Łondan.
Jakraz u toj čas usie šukali zabitych Juryja Zacharanku, Anatola Krasoŭskaha, Viktara Hančara. Vińnikava zaśviedčyła, što žyvaja. Dała paru krytyčnych intervju i ŭ vyniku zasiarodziłasia na pryvatnym žyćci, vyjšła z publičnaj śfiery.
U 2003 hodzie Tamara Vińnikava za 365 tysiač funtaŭ — vialikija na toj čas hrošy — kupiła u łondanskim tupikovym zavułku Priory Crescent trochpaviarchovy dom płoščaj 181 kvadratny mietr. Heta rajon Uembli, jaki nie ličycca vielmi prestyžnym, ale ŭ toj ža čas i nie dla biednych — chutčej, rajon dla siaredniaha kłasa. Da centra Łondana adtul — prykładna hadzina na hramadskim transparcie.
Z admietnaściaŭ pobač — tolki lehiendarny stadyjon.
Pačynajučy z vosieni 2023‑ha, Vińnikava sprabavała pradać hety dom. Pieršapačatkovaja cana — 960 tysiač funtaŭ. Ale pakolki achvotnych kupcoŭ nie było, daviałosia skidvać. U vyniku ŭ 2025‑m hodzie Vińnikavaj udałosia pradać jaho ź vialikim dyskontam da pieršapačatkovaj cany, za 800 tysiač funtaŭ (kala $1 miljon na toj momant).
Dziakujučy tamu, što haspadynia nie prybirała asabistyja rečy ŭ momant, kali jaje dom fatahrafavali ahienty pa nieruchomaści, my možam zazirnuć usiaredzinu doma, u jakim stolki hadoŭ pražyła znakamitaja finansistka.
Ale što nasamreč źviartaje ŭvahu, dyk heta mastackija husty byłoj bankirki. Interjery jaje doma byli zaviešanyja karcinami, na jakich možna biez prablem paznać samu Tamaru Vińnikavu, maładuju i čarniavuju.
Vialiki partret Vińnikavaj u błakitnych kolerach sustrakaŭ haściej adrazu na ŭvachodzie, u pieršym chole.
U haścinaj prynamsi na adnoj z karcin dakładna možna paznać Vińnikavu. Ci jana ž u vobrazie impieratrycy sprava — nieviadoma.
Padčas prahladu telebačańnia Vińnikava taksama mahła pierakidvać pozirk naleva — na svoj partret, dla adpačynku vačej.
Aŭtarstva partretaŭ nieviadomaje, ale niekatoryja inšyja pałotny vydajuć ruku biełaruskaha mastaka Leanida Ščamialova.
U domie Vińnikavaj čatyry spalni i dva sanvuzły.
Praz vuzkuju kuchniu Vińnikava vychodziła na letniuju vierandu i potym — u sad.
-
«Pasažyry prasili źnizić chutkaść». Ustanoŭlenyja pryčyny DTZ z maršrutkaj u Śvietłahorskim rajonie, dzie zahinuli šeść čałaviek
-
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
-
Raździalalnyja pałosy hałoŭnych mahistralaŭ Minska ŭpryhožyli vosiem tysiač skryniaŭ ź vijołami
Ciapier čytajuć
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču9
Doktarka, jakaja vučyłasia pa metavym nakiravańni, adpracavała paŭtara hoda ź piaci — i pierajechała ŭ Polšču
Ci patrebnaja biełaruskaja mova tym, chto razmaŭlaje pa-rusku? Azaronak zadaŭsia takim pytańniem na STB, a vypusknik Akademii MUS prapanavaŭ zamianić uroki fakultatyvami4848
Kamientary
I kali nie zarabiła i nie atrymała ŭ spadčynu, to treba nazyvać rečy svaimi imionami. Pradała skradzienaje ŭ naroda Biełarusi. U nas usich. Adpaviedna ŭ Biełarusi budučyni musić być rasśledvańnie, dahavor kupli-prodažy pryznany niesapraŭdnym (i 2003 hoda, i 2025), nieruchomaść kanfiskanaja i realizavanaja, hrošy viernutyja, a sama Vińnikava pasadžana ŭ turmu. Nie ŭ łukašysckuju, a humannuju refarmavanuju turmu ŭ Novaje Biełarusi, ale tym nie mienš. Złodziej musić siadzieć u turmie.
Chorošo, čto dom prodała v Łondonie. A to dumał opiať na NN budut sobirať pomomŝ kto skolko možiet s bčb mira po nitkie.