Kab zachavać pieršy radok u suśvietnym tenisie, Arynie Sabalency treba tolki pieramahać na US Open
A jejnaj pieraślednicy Alenie Rybakinaj navat možna źniacca z turniru.
U žanočym tenisie pa vynikach Adkrytaha čempijanatu ZŠA pa tenisie (US Open), asnoŭnaja sietka jakoha startuje ŭ niadzielu, imaviernaja źmiena lidara. Biełarusku Arynu Sabalenku, jakaja zajmaje hety radok z 19 kastryčnika 2024 hoda, mohuć zrynuć ź pieršaha miesca.
Reč u tym što Aryna vyjhrała turnir hod tamu. Za pieramohu ŭ finale turniraŭ Vialikaha Šlemu (siudy taksama ŭvachodziać Australian Open, «Rałan Haros» i «Uimbłdon») dajecca 2000 bałaŭ, vychad u finał — 1300, paŭfinał — 780, čverćfinał — 430. I kab ich zachavać u rejtynhu, zhodna z praviłami, ich treba abaranić. To-bok, kali Aryna nie pieramoža treci raz zapar na turniry (jana vyjhrała US Open taksama ŭ 2024 hodzie), 2000 bałaŭ zharać, i ŭ biełaruski zastaniecca nie 8575 bałaŭ, jak na siońnia, a budzie 6575.
U Rybakinaj mohuć zhareć usiaho 240 bałaŭ za čaćviorty kruh u minułym hodzie.
Heta aznačaje, što vychad u paŭfinał US Open harantuje Alenie zvańnie pieršaj rakietki śvietu pa vynikach turniru. Bolš za toje, jana moža ŭznačalić rejtynh navat u tym vypadku, kali zdymiecca z US Open, pakolki Sabalenku zadavolić tolki tytuł — za vychad u finał dajuć 1300 bałaŭ, jakich nie chopić, kab pakryć imaviernaje adstavańnie ŭ pierśpiektyvie.
Rejtynh WTA na 25 žniŭnia
| 1 | Aryna Sabalenka | Biełaruś | 8575 bałaŭ | |
| 2 | Alena Rybakina | Kazachstan | 8141 | |
| 3 | Džesika Piehuła | ZŠA | 7265 | |
| 4 | Kory Haŭf | ZŠA | 6704 | |
| 5 | Mira Andrejeva | Rasija | 5443 |
Rejtynhavyja raskłady pa vynikach US Open
| Miesca | Tenisistka | Rejtynh na 25 žniŭnia | Imaviernyja straty bałaŭ | Rejtynh na 14 vieraśnia |
|---|---|---|---|---|
| 1 | Alena Rybakina | 8141 | 240 | 7901 |
| 2 | Aryna Sabalenka | 8575 | 2000 | 6575 |
| 3 | Džesika Piehuła | 7265 | 780 | 6485 |
| 4 | Kory Haŭf | 6704 | 240 | 6464 |
| 5 | Mira Andrejeva | 5443 | 130 | 5313 |
Losavańnie sioletniaha US Open projdzie ŭ čaćvier, a siońnia na turniry startuje mikst — turnir, dzie hulaje i žančyna, i mužčyna.
Aryna Sabalenka vystupić u pary z Novakam Džokavičam. U pieršym raŭndzie jany zaŭtra zhulajuć z češska-brytanskaj paraj: Kataryna Siniakava i Chienry Paten.
Kamientary