Dźmitryj Silin trymaje mocnuju siamiejnuju haspadarku, zasnavanuju jaho baćkam.
U Minskim abłasnym sudzie vynieśli prysud 33‑hadovamu Dźmitryju Silinu z-pad Vałožyna. Jaho abvinavacili ŭ «sadziejničańni ekstremisckaj dziejnaści» (č. 1 i 2 art. 361‑4 Kryminalnaha kodeksa) i prysudzili chatniuju chimiju.
Dźmitryj Silin — vykanaŭčy dyrektar siamiejnaj haspadarki «Silin». Jaje zasnavaŭ u Račaniatach Vałožynskaha rajona ŭ kancy 1990‑ch Mikałaj Silin, baćka Dźmitryja.
Uładańni siamji — bolš za 500 hiektaraŭ, raskidanych pa rajonie. Adzin z profilaŭ haspadarki — hrečka. Ale aktyŭna pradajuć i bulbu. Ludzi ŭ sacsietkach reśpiektujuć smačnaj bulbie Silinych i vystaŭlajuć fota atrymanych ź jaje dranikaŭ.
Dźmitryj Silin — šmatdzietny baćka, u ich z žonkaj troje dziaciej.
Kamientary