Na markietpłejsie Wildberries u Biełarusi źjaviłasia mahčymaść zakazvać dastaŭku hatovych straŭ z restaranaŭ i kaviarniaŭ. Jak raspaviali Office Life u kampanii, zakazy buduć hatavacca i dastaŭlacca siłami partnioraŭ na praciahu niekalkich hadzin.
Klijenty mohuć zamović hatovuju ježu z restarana ŭ raździele «Ekspres» na sajcie i ŭ mabilnym dadatku Wildberries.
U kampanii ŭdakładnili, što heta partniorstva praduhledžvaje ŭzajemadziejańnie pa madeli pastavak «Vitryna ekspres», pry jakoj markietpłejs vystupaje anłajn-vitrynaj dla tavaraŭ pradaŭca. Kaviarni i restarany samastojna hatujuć stravy i dastaŭlajuć ich klijentu.
Siarod pieršych partnioraŭ novaha napramku — kaviarnia nacyjanalnaj biełaruskaj kuchni «Biełaja pieč», jakaja prapanuje stravy tradycyjnaj i chatniaj kuchni, u tym liku draniki.
Dałučyłasia da prajekta i sietka restaranaŭ japonskaj kuchni Sushi House, a taksama restaran Mangal Master, jaki hatovy dastaŭlać praz markietpłejs sety z šašłyku, lula-kiebabu i harodniny na hryli.
Pradstaŭniki Wildberries adznačajuć, što ŭvieś praces — ad momantu zamovy na markietpłejsie i pryhatavańnia na kuchni da finalnaj dastaŭki — zojmie nie bolš za dźvie hadziny.
Pakul pasłuha zamovy straŭ ź mieniu restaranaŭ praz sajt abo dadatak dziejničaje tolki dla žycharoŭ Minska. U dalejšym kampanija płanuje pašyrać koła bujnych pradstaŭnikoŭ restarannaj industryi i praciahvać raźvivać FoodTech-napramak dla mahčymaści zakazvać ježu pa ŭsioj Biełarusi.
Madeli «Vitryna» i «Vitryna ekspres» stali dastupnyja dla pradaŭcoŭ markietpłejsa ŭ Biełarusi ŭ sakaviku 2025 hoda.
Jany padychodziać tym kampanijam, čyja pradukcyja nie moža pastaŭlacca pa schiemach «Markietpłejs» i «Skład WB». Naprykład, pradukty charčavańnia, zvyšhabarytnyja tavary, žyvyja kvietki i raśliny, krochkija tavary abo śpiecyfičnyja madeli adzieńnia i abutku.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač16
Kamientary