Biełaviežskaja pušča na adzin viečar stanie centram elektronnaj muzyki.
Pryčym technarejv zładziać nie dzie-niebudź, a ŭ siadzibie Dzieda Maroza. Viadomaja i data — 18 krasavika.
«Ujavicie: viekavyja drevy, načnaja iluminacyja kazačnaj siadziby i mahutnyja bity, što pranizvajuć cišyniu nočy. Heta nie prosta viečaryna, heta pahružeńnie ŭ inšuju realnaść», — tak anansujuć budučuju padzieju ŭ akaŭntach Biełaviežskaj puščy.
Akramia łakacyi, fiškaj stanie i muzyka. U łajn-apie značacca Police in Paris, CAVEX, ANK i CORT333.
Akramia muzyki, arhanizatary abiacajuć viačerniuju prahułku pa mahičnaj siadzibie, atmaśfiernaje vohnišča i, kaniešnie, fudkorty.
Pačniecca mierapryjemstva a 21:00 i praciahniecca da druhoj hadziny nočy.
Cana fiksavanaja — 63 rubli pry kupli ŭ apieratara. Kolkaść biletaŭ abmiežavanaja — paviedamili, što ich budzie 500 štuk.
Jość i pryjemny bonus: biaspłatny tranśfier ad hałoŭnych varot Nacyjanalnaha parku da placoŭki i nazad.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach29
Kamientary