Vyjšaŭ na svabodu palitźniavoleny namieśnik pa ideałohii BiełTA
Siarhiej Adziarycha pieradavaŭ insajdarskuju infarmacyju Anatolu Kotavu, jaki publikavaŭ jaje ŭ papularny tady kanał «Nik i Majk». Paśla vyzvaleńnia jon pajšoŭ u taksisty.
Stała viadoma pra vyzvaleńnie byłoha top-mieniedžara BiełTA Siarhieja Adziarychi. Namieśnika hienieralnaha dyrektara BiełTA pa ideałohii aryštavali ŭ kastryčniku 2021 hoda i prysudzili piać hadoŭ kałonii za «pieravyšeńnie ŭłady» (art. 426 Kryminalnaha kodeksa).
Siarhieja Adziarychu abvinavacili ŭ tym, što jon pieradavaŭ infarmacyju Anatolu Kotavu ŭ Nacyjanalnaje antykryzisnaje ŭpraŭleńnie — naprykład, pra hrafik pajezdak Łukašenki ci inšych čynoŭnikaŭ. Tyja źviestki publikavalisia ŭ insajdarskim kanale «Nik i Majk», ahułam 58 dopisaŭ.
Za infarmacyju jamu ničoha nie płacili.
Adziarycha byŭ pryznany palitviaźniem. Jaho termin pavinien byŭ skončycca prykładna ŭ lipieni 2026 hoda, ale stała viadoma, što były miedyjamieniedžar užo znachodzicca na svabodzie. Pakolki artykuł, pa jakim asudzili Adziarychu, byŭ «karupcyjnym», a nie «ekstremisckim», to tearetyčna ŭ jaho dačynieńni mahła prymianicca amnistyja.
U kastryčniku 2025 hoda Siarhiej Adziarycha adkryŭ IP jak taksist.
«Naša Niva» — bastyjon biełaruščyny
PADTRYMAĆCiapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert2
Kamientary