U šufladcy stała Resolute lažyć list, adrasavany vice-prezidentu na vypadak, kali z Trampam niešta zdarycca.
Prezident ZŠA pakinuŭ vice-prezidentu krainy list na vypadak, kali amierykanskaha lidara «likvidujuć». Pra heta namieśnik pamočnika prezidenta Sebastian Gorka zajaviŭ u padkaście Pod Force One, piša New York Post.
Horka adznačyŭ, što isnujuć «praviły pierajemnaści» na vypadak, kali Tramp stanie achviaraj zamachu. Pavodle słoŭ pradstaŭnika Biełaha doma, u jaho niama aściaroh nakont taho, što «zamiežny praciŭnik» vyrašyć pajści na taki krok.
«U šufladcy stała Resolute lažyć list, adrasavany vice-prezidentu na vypadak, kali ź im [Trampam] niešta zdarycca.<…> U nas jość pratakoły, paviercie mnie», — raspavioŭ Horka.
Tramp niekalki razoŭ padviarhaŭsia zamacham za apošnija hady. Tak, u lipieni 2024 hoda na mitynhu padčas pieradvybarčaj honki 20‑hadovy Tomas Mećju Kruks zrabiŭ vosiem strełaŭ, paraniŭšy Trampa ŭ vucha.
25 krasavika hetaha na viačery Asacyjacyi karespandentaŭ pry Biełym domie, dzie prysutničaŭ Tramp, adbyłasia stralanina. Mierapryjemstva prachodziła ŭ Washington Hilton, dzie 45 hadoŭ tamu adbyŭsia zamach na prezidenta Rejhana. Bieły dom nazvaŭ zdareńnie zamacham na žyćcio kiraŭnika dziaržavy.
-
Zialenski adstaŭlaje papularnaha maładoha ministra abarony. U taho nie było ŭzajemarazumieńnia z Syrskim
-
«Kali pamrom, to razam». Žonka mužčyny, jakoha ledź nie zasmaktała ŭ iluminatar samalota Ryanair, raskazała pra pieražytaje
-
Pryniaćcie 21‑ha pakieta sankcyj suprać Rasii pieranieśli jašče na tydzień
Kamientary
I voś ujaŭlajem sabie hibiel Trampa. Paśla pyšnaj ceremonii raźvitańnia prezident Vens ekstranna pačynaje pradprymać kompleks zachadaŭ, kab u listapadzie nie stracić kanhres. Chutčej za ŭsio heta budzie spałučeńnie aŭtarytarnych, administracyjnych, pratekcyjaniścikich i papulisckich praktyk, nakiravanych na toje, kab časova spynić inflacyju i ŭtrymać jaje prynamsi da listapada - čytajem Prahramu-2025. A kali Tramp zahinie ŭ vyniku zamachu - dyk i ŭvohule budzie mahčymym abvieścić nadzvyčajnaje stanovišča i adkłaści vybary.