Biełarusy razabrali ŭsie kvitki na Dzimu Biłana ŭ «Minsk-Arenu» — i heta za paŭhoda da kancerta
Znajšosia 15 tysiač achvotnych pasłuchać rasijskaha śpievaka.
14 listapada ŭ Minsk jedzie Dzima Biłan. Vystupić jon na najvialikšaj placoŭcy ŭ horadzie — u «Minsk-Arenie», jakaja źmiaščaje kala 15 tysiač čałaviek. Niahledziačy na heta, užo ciapier, za paŭhoda da kancerta, usie kvitki na jaho raskuplenyja.
Pra heta 14 maja napisali ŭ aficyjnych akaŭntach Biłana:
«Bieź lišnich słovaŭ — usie kvitki pradadzienyja».
Nasamreč u prodažy jość jašče niekalki biletaŭ — mahčyma, niechta zdaŭ ich. Ale takija kvitki chutka raźlatajucca i pa druhi kole.
Biłan — nie redki hość u našaj krainie. Apošni jaho kancert u Biełarusi prajšoŭ u listapadzie 2025 hodzie taksama ŭ «Minsk-Arenie». Hledačy zachaplalisia artystam i šou, u jakim Biłan lotaŭ pa prastory areny, ale adznačali prablemy z arhanizacyjaj. Letam Biłan znoŭ budzie ŭ Biełarusi — jon adzin z chedłajnieraŭ fiestyvalu Viva Braslav.
U sacsietkach fanaty Biłana aktyŭna prosiać jaho zładzić dadatkovy kancert u Minsku. Biłan pakul pra takija płany nie abviaščaje.
«Naša Niva» — bastyjon biełaruščyny
PADTRYMAĆ
Kamientary
da jeśli by było 30-40 tyŝ prodali by... On žie NAŠ, rodnieńkij - pravasłavno-skriepny, hietEraseksualnyj. V obŝem nastiaŝy arcist...
Ź biełarusaŭ tam nie budzie anivodnaha. Ruskamirnaha śmiećcia - šmat.