Byłaja kanclerka Hiermanii Anhieła Mierkiel admoviłasia ad prapanovy stać pasiarednicaj u pieramovach pamiž Jeŭrasajuzam i Rasijaj pa pytańni vajny va Ukrainie, piša Hasepost.
Mierkiel zajaviła, što nie ličyć mahčymym vieści takija pieramovy, nie majučy aficyjnych uładnych paŭnamoctvaŭ. Pavodle jaje słoŭ, paśla padziej 2014 hoda jana ŭdzielničała ŭ dyjałohu z rasijskim kiraŭnictvam tolki tamu, što sama była dziejnaj kiraŭnicaj urada, jak i tahačasny prezident Francyi Fransua Ałand.
Eks-kanclerka adznačyła, što ideja nakiroŭvać na pieramovy byłych palitykaŭ zamiest dziejnych lidaraŭ vyhladaje sumnieŭnaj. Jana padkreśliła, što nie ŭjaŭlaje, kab niechta inšy vioŭ pieramovy ad jaje imia, kali jana zajmała pasadu.
Razmovy pra mahčymych pasiarednikaŭ źjavilisia ŭ Jeŭropie na fonie pošuku šlachoŭ dla kantaktaŭ z Rasijaj. Mierkiel razhladali jak kandydaturu dziakujučy jaje dośviedu, viedańniu ruskaj movy i kantaktam z kiraŭnikami roznych krain.
Adnak ciapier jana vyrazna dała zrazumieć, što nie hatovaja brać na siabie takuju rolu. U vyniku pytańnie ab tym, chto moža vystupić pasiarednikam u mahčymych pieramovach, pakul zastajecca adkrytym.
Siarod inšych mahčymych pasiarednikaŭ nazyvali roznych jeŭrapiejskich i mižnarodnych palitykaŭ, ale padkreślivajecca, što takaja fihura pavinna mieć davier jak z boku Jeŭrasajuza, tak i z boku Rasii.
Raniej Pucin prapanoŭvaŭ u jakaści pasiarednika inšaha byłoha kanclera Hiermanii, svajho siabra Hiercharda Šrodera, ale ŭ Jeŭrasajuzie hetuju ideju nie padtrymali.
«Aburaje nie toje, što Mierkiel chacieła damaŭlacca z Pucinym u 2021-m, a toje, što ŭ 2025‑m nie choča pryznać: damaŭlacca ź im nie było pra što»
Sikorski pra intervju Mierkiel: Kanclerka zabyłasia, čym zajmaŭsia jaje ŭrad
Kaleśnikava: Apošnim kancleram Hiermanii, jaki razmaŭlaŭ z Łukašenkam, była Mierkiel. Mahčyma, patrebna novaja sproba
Mierkiel nazvali jašče adnym vierahodnym pasiarednikam na pieramovach Rasii i Ukrainy
Hierchard Šroder znoŭ zaklikaŭ nie «demanizavać» Rasiju. Jamu rezka adkazali
Kamientary