U Ratamcy ŭ krasaviku pradali samuju darahuju kvateru ŭ Minskaj vobłaści
Žyły kompleks «Pirs» u svoj čas ličyŭsia adnym z samych śmiełych prajektaŭ na rynku nieruchomaści Biełarusi. Hety kvartał kala Minskaha mora staŭ pieršym zakrytym kłubnym pasiołkam za miežami stalicy. Mienavita tut u krasaviku pradali kvateru, jakaja stała samaj darahoj u Minskaj vobłaści, piša Realt.by.
ŽK «Pirs» znachodzicca na ŭskrajku pasiołka Ratamka, prosta praz darohu ad Minskaha mora. Dabracca siudy na mašynie možna ŭsiaho za 10 chvilin.
U krasaviku ŭ adnym z damoŭ ŽK nabyli trochpakajovuju kvateru, jakaja ŭznačaliła top ździełak u Minskaj vobłaści. Žyllo ahulnaj płoščaj 106 kvadratnych mietraŭ nabyli za 430 tysiač dalaraŭ (abo 2961 dalar za kvadratny mietr). Darečy, kvatera ŭ «Pirsie» ŭ domie 2019 hoda pabudovy abyšłasia pakupniku daražej, čym samyja darahija damy krasavika va ŭsich abłaściach, akramia Minskaj.
Zaraz u «Pirsie» pradajecca kala 15 kvater.
Samy niedarahi varyjant — adnapakajovaja kvatera z azdableńniem. Žyllo raźmieščana ŭ manalitnym sicichausie na šostym paviersie. Ahulnaja płošča kvatery z vyhladam na Minskaje mora składaje 33 kvadratnyja mietry. Kvateru z meblaj i ŭbudavanaj technikaj acanili na 238 tysiač rubloŭ, abo 85 tysiač dalaraŭ (7232 rubli, abo 2576 dalaraŭ — za mietr).
Adna z samych darahich prapanoŭ — pientchaus va ŭrban-vile. Ahulnaja płošča hetaj kvatery składaje 248 kvadratnych mietraŭ. Kvatera, jakaja składajecca z kuchni-stałovaj, haścinaj i troch spalniaŭ, prapanujecca biez azdableńnia. Žyllo — adzinaje na paviersie, ź vielizarnaj terasaj.
Vyšynia stoli — 3,5 mietra. Košt kvatery — 1,6 miljona rubloŭ, abo 590 tysiač dalaraŭ (6665 rubloŭ, abo 2374 dalary — za mietr).
Ciapier čytajuć
Kupla kvatery praz kaapieratyŭ zamiest ipateki: jak pracuje sistema, padobnaja da piramidy, i što kažuć udzielniki i ekśpiert1
Kamientary
Tut rekłamnaja kampanija pierakryvaje rečaisnaść, stvaraje niejkuju svaju. I nichto heta nie zaŭvažaje.