U karotki śpis premii Bahuševiča ŭvajšli nie tolki knihi, ale i padkasty i videaprahramy, u tym liku «Sarmacki vus»
U finalny adbor uvajšli siem tvoraŭ — knihi, padkasty i aŭtarskija miedyjaprajekty, što daśledujuć biełaruskuju pamiać, movu, historyju i sučasny dośvied praź litaraturu, repartaž, falkłor i vizualnaje apaviadańnie, piša Biełaruski PEN.
U karotki śpis uvajšli:
Knihi:
-
«I daŭniej tak pieli: Muzyčny falkłor staravieraŭ paŭnočna-zachodniaj Biełarusi» — Volha Baryšnikava (Skaryna Press, Łondan, 2025);
-
«Koła dnia» — Alaksandra Turava (2025, zašyfravany ŭdzieł);
-
«Krovazvarot» — Julija Cimafiejeva (Januškievič, Varšava, 2025);
-
«Prosta ź lubovi. Reparciorskija partrety pamiaci» — Hanna Kandraciuk (vydaviectva Centra biełaruskaj kultury ŭ Biełastoku, Biełastok, 2025);
-
«Cieni padmurkaŭ» — Milestone (2025, zašyfravany ŭdzieł);
Artykuły, padkasty, videabłohi i inšaje:
-
Padkast «Litaraturnyja zaciemki» — aŭtar i viadoŭca Siarhiej Dubaviec (2025);
-
Televizijny prajekt «Sarmacki vus» — aŭtar i viadoŭca Cimafiej Akudovič.
Premija imia Franciška Bahuševiča — štohadovaja litaraturnaja premija, zasnavanaja ŭ 1996 hodzie. Tradycyjna jana ŭručajecca za najlepšyja tvory, jakija słužać adnaŭleńniu histaryčnaj pamiaci i spryjajuć farmavańniu i ŭmacavańniu biełaruskaj identyčnaści.
Imia łaŭreata abo łaŭreatki 2025 hoda budzie abvieščana asobna.
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary
Akudovič kruty