Premjer-ministr Biełarusi Alaksandr Turčyn padpisaŭ pastanovu, jakaja vyznačaje vypadki, kali jurydyčnyja asoby mohuć vykarystoŭvać ličbavyja znaki (tokieny) u jakaści srodku raźliku praz kryptabanki.
Zdymak ilustracyjny. Fota: magnific.com
Novyja normy raspaŭsiudžvajucca pieradusim na ŭdzielnikaŭ źniešnieekanamičnaj dziejnaści. Tokieny možna budzie vykarystoŭvać pry:
- eksparcie i imparcie tavaraŭ;
- eksparcie i imparcie pasłuh i rabot;
- ździełkach z abjektami intelektualnaj ułasnaści;
- asobnych apieracyjach foreks-kampanij;
- ažyćciaŭleńni lizinhavaj dziejnaści.
Va ŭradzie adznačajuć, što pastanova pryniataja dla realizacyi pałažeńniaŭ ukaza №19 «Ab kryptabankach i asobnych pytańniach kantrolu ŭ śfiery ličbavych znakaŭ (tokienaŭ)», padpisanaha 16 studzienia 2026 hoda.
Pavodle zadumy ŭładaŭ, novy miechanizm pavinien pašyryć mahčymaści biełaruskich kampanij pry praviadzieńni ekspartna-impartnych apieracyj i raźvićci mižnarodnych raźlikaŭ z vykarystańniem ličbavych aktyvaŭ.
Ciapier čytajuć
Što viadoma pra Maksima Palanskaha i Mikałaja Śvirydava — biełaruskich alpinistaŭ, jakija źnikli ŭ harach Kyrhyzstana3
Kamientary