Pamierła tajskaja pryncesa Badžrakicijabcha — starejšaja dačka karala i abaronca pravoŭ viaźniaŭ. Try hady jana była ŭ komie
Jana zajmałasia abaronaj pravoŭ žančyn-viaźniaŭ i vystupała za reformy kryminalnaj sistemy ŭ krainie. A taksama była kiraŭnikom achovy karala.
U Banhkoku ŭ 47 hadoŭ paśla praciahłaj komy pamierła pryncesa Badžrakicijabcha, starejšaja dačka karala Tajłanda Ramy X, piša Bi-bi-si.
Jana zajmałasia abaronaj pravoŭ žančyn-viaźniaŭ i vystupała za reformy kryminalnaj sistemy ŭ krainie. Mnohija ličyli jaje mahčymaj spadkajemkaj, niahledziačy na toje, što ŭ Taiłandzie da hetaha času nie było manarcha-žančyny.
Prycesa Badžrakicijabcha pamierła va ŭzroście 47 hadoŭ, paviedamiła kancylaryja karaleŭskaj siamji Taiłanda. Jana pajšła z žyćcia ŭviečary aŭtorka, 11 červienia, u balnicy ŭ Banhkoku.
Pryncesa była špitalizavanaja 15 śniežnia 2022 hoda paśla taho, jak straciła prytomnaść padčas zaniatkaŭ z sabakam. Daktary nazvali pryčynaj nierehularnaje sercabićcio, vyklikanaje mikapłaźmiennaj infiekcyjaj. Mikapłazmy — heta bakteryi, jakija zvyčajna vyklikajuć atypovuju pnieŭmaniju i inšyja reśpiratornyja zachvorvańni.
Z taho času Badžrakicijabcha była ŭ komie. U kancy maja jaje stan pahoršyŭsia z-za infiekcyi, piša Bangkok Post sa spasyłkaj na karaleŭskuju siamju.
«Hetaja strata — nie tolki drennyja naviny dla naroda, ale i biaźmierny smutak u sercach usioj nacyi», — skazaŭ premjer-ministr Tajłanda Anutchin Čanvirakun.
U svajoj pramovie, pryśviečanaj pryncesie, jon nazvaŭ jaje «honaram Tajłanda» i adznačyŭ, što jaje prychilnaść stvareńniu hramadstva, zasnavanaha na dabryni, spraviadlivaści i roŭnaści, «zaŭsiody zastaniecca maralnaj spadčynaj dla nacyi, puciavodnaj zorkaj dla pakaleńniaŭ tajcaŭ».
La balnicy, u jakoj znachodziłasia pryncesa, sabralisia smutkujučyja tajcy. Karol Tajłanda rasparadziŭsia arhanizavać dla Badžrakicijabchi karaleŭskaje pachavańnie z najvyšejšymi pašanami.
Pryncesa Badžrakicijabcha naradziłasia 7 śniežnia 1978 hoda. Jana — starejšaja dačka Machi Vačyrałanhkorna (z 2016 hoda — karol Rama X) i adzinaje dzicia ad jaho šlubu z Samsavali Kicijakary. Usiaho ŭ karala siamiora dziaciej ad troch šlubaŭ.
Badžrakicijabcha navučałasia va ŭniviersitecie Tamasat u Tajłandzie, a zatym atrymała stupieni mahistra prava i doktara jurydyčnych navuk va ŭniviersitecie Kornełła ŭ ZŠA. Jaje daktaranckaja dysiertacyja była pryśviečana abaronie pravoŭ abvinavačanych.
Badžrakicijabcha niekatory čas pracavała ŭ pastajannaj misii Tajłanda pry AAN, a z 2012 pa 2014 hady była ambasadaram Tajłanda ŭ Aŭstryi. Akramia dypłamatyčnaj dziejnaści, Badžrakicijabcha pracavała ŭ Hienieralnaj prakuratury Tajłanda.
U 2021 hodzie Rama X pryznačyŭ pryncesu kiraŭnikom svajoj asabistaj achovy i prysvoiŭ joj zvańnie hienierała.
Pryncesa zachaplałasia sportam i časta ŭdzielničała ŭ zabiehach i inšych mierapryjemstvach.
Hieroja telefonnych źlivaŭ pałkoŭnika Kisiala, jaki zaklikaŭ kalečyć demanstrantaŭ, raptoŭna apuścili na rajonny ŭzrovień12
Kamientary