Ministr abarony Ukrainy: Najbližejšym časam Krym pieratvorycca ŭ vostraŭ
Ministr abarony Ukrainy Michaił Fiodaraŭ zajaviŭ, što ŭkrainskija siły pastupova izalujuć anieksavany Krym ad asnoŭnaj terytoryi Rasii, u pieršuju čarhu z dapamohaj bieśpiłotnikaŭ.
U intervju YouTube-kanału PRESSING Michaił Fiodaraŭ adznačyŭ, što ciapier adbyvajecca svojeasablivaja «izalacyja Kryma dronami».
«Vyhladaje tak, što najbližejšym časam Krym pieratvorycca ŭ vostraŭ. I heta moža pryvieści da vielmi niečakanych nastupstvaŭ dla rasijan», — zajaviŭ ministr.
Fiodaraŭ paviedamiŭ, što Ukraina značna pavialičyła zakupki bieśpiłotnikaŭ. Pavodle jaho słoŭ, za apošnija čatyry miesiacy było nabyta bolš dronaŭ, čym za ŭvieś 2025 hod. Asablivaja ŭvaha nadajecca bieśpiłotnikam na aptyčnym vałaknie, a taksama dronam siaredniaj dalokaści, jakija vykarystoŭvajucca dla naniasieńnia ŭdaraŭ pa łahistycy i linijach zabieśpiačeńnia na akupavanych terytoryjach.
Pa słovach ukrainskaha ministra, kolkaść zakantraktavanych dronaŭ siaredniaj dalokaści ŭžo pieravysiła letašnija pakazčyki prykładna ŭtraja, a ich zakupka praciahvajecca.
Padobnuju zajavu raniej rabiŭ i kamandujučy Siłami bieśpiłotnych sistem Ukrainy Robiert Broŭdzi, viadomy pad pazyŭnym «Madziar». Jon śćviardžaŭ, što ŭkrainskija padraździaleńni ŭzmacniajuć udary pa transpartnych maršrutach, jakija vykarystoŭvajucca dla zabieśpiačeńnia rasijskich vojskaŭ u Krymie i na akupavanych terytoryjach poŭdnia Ukrainy.
Pavodle infarmacyi ŭkrainskaha boku, za apošnija miesiacy byli naniesienyja sotni ŭdaraŭ pa hruzavych aŭtamabilach, palivazapraŭščykach i inšym transparcie. Značnaja častka hetych udaraŭ pryjšłasia na tak zvany «suchaputny kalidor», jaki złučaje Rasiju z Krymam praz akupavanyja terytoryi Ukrainy.
Taksama raniej paviedamlałasia pra paškodžańni Čanharskaha mosta, jaki źjaŭlajecca adnym z klučavych šlachoŭ złučeńnia z Krymam. Paśla hetaha rasijskija ŭłady prapanavali vykarystoŭvać abjaznyja maršruty praz Armiansk i Pierakop. Akramia taho, paviedamlałasia pra paškodžańni infrastruktury na punkcie propusku «Džankoj».
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary