Kamandujučy Siłami bieśpiłotnych sistem Ukrainy Robiert «Madziar» Broŭdzi ŭ intervju ahienctvu Reuters zajaviŭ, što ŭ najbližejšaj budučyni Ukraina płanuje izalavać akupavany Krym ad Rasii, uziaŭšy pad kantrol klučavyja šlachi zabieśpiačeńnia rasijskich vojskaŭ.
Pa słovach «Madziara», aktyŭnyja ŭdary ŭkrainskich bieśpiłotnikaŭ pa akupavanych terytoryjach užo istotna ŭskładnili łahistyku praciŭnika i pastaŭki paliva. Asablivaja ŭvaha nadajecca trasie R-280, jakaja złučaje Rastoŭ-na-Donie z Krymam i źjaŭlajecca važnym maršrutam dla rasijskaj armii.
Broŭdzi śćviardžaje, što intensiŭnaść ruchu pa hetaj darozie za apošni miesiac značna źniziłasia, a ŭ chutkim časie jana moža akazacca pad poŭnym ahniavym kantrolem Ukrainy.
Vajskovyja analityki adznačajuć, što kampanija ŭkrainskich udaraŭ pa tyłavych abjektach na akupavanych terytoryjach źmienšyła mahčymaści rasijskich vojskaŭ zabiaśpiečvać front, a taksama asłabiła sistemu supraćpavietranaj abarony, što dazvoliła nanosić udary pa bolš addalenych vajskovych i pramysłovych abjektach.
Pa słovach «Madziara», hałoŭnaja meta takoj stratehii — stvaryć umovy, pry jakich znachodžańnie rasijskich vajskoŭcaŭ i supracoŭnikaŭ abaronnaj śfiery ŭ Krymie i na inšych akupavanych terytoryjach stanie nadzvyčaj składanym.
Paśla źniščeńnia Čanharskaha mosta i zakryćcia jašče adnoj važnaj pierapravy pamiž Hieničeskam i Arabackaj Strełkaj mahčymaści dla pieramiaščeńnia rasijskich sił u hetym rehijonie jašče bolš skaracilisia.
USU nanieśli ŭdar pa miescy dysłakacyi rasijskaha sapiornaha pałka na Danbasie
USU atakavali masty, jakija viaduć u Krym
«Ukraina nie prajhraje, Rasija nie pieramahaje». En Epłbaum pra pierałom u vajnie, jaki mianiaje ŭsio
USU pierakryli jašče adzin most u Krym
U Sievastopali zhareŭ muziej Krymskaj vajny XIX stahodździa. Rasijanie zajaŭlajuć pra ŭdary dronaŭ
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary