Ministr achovy zdaroŭja Biełarusi Alaksandr Chadžajeŭ paviedamiŭ, što paciarpiełyja ŭ vyniku incydentu z aŭtobusam u Branskaj vobłaści buduć dastaŭlenyja ŭ Biełaruś dla dalejšaha lačeńnia i akazańnia miedycynskaj dapamohi.
Pavodle słoŭ čynoŭnika, biełaruskija miedyki, jakija byli nakiravanyja ŭ Rasiju, užo prybyli da paciarpiełych i razam z rasijskimi kalehami praviali acenku ich stanu. Da pracy taksama dałučylisia śpiecyjalisty z Maskvy.
Jak adznačyŭ ministr, na hety momant najbolš ciažki stan majuć dva čałavieki — adzin darosły i adno dzicia.
Rasijski bok vykazaŭ hatoŭnaść praciahnuć lačeńnie paciarpiełych u svaich miedycynskich ustanovach. Adnak, jak śćviardžaje Chadžajeŭ, Łukašenka, jaki za siońnia ni razu nie pakazaŭsia na publicy, daručyŭ arhanizavać pieravozku biełaruskich hramadzian na radzimu dla dalejšaha akazańnia miedycynskaj dapamohi.
Dla vykanańnia hetaj zadačy rychtujecca śpiecyjalny miedycynski viertalot, jaki budzie vykarystany ŭ transpartavańni paciarpiełych u Biełaruś. Paśla prybyćcia jany buduć źmieščanyja ŭ biełaruskija balnicy, dzie im akažuć nieabchodnuju dapamohu.
17 červienia ŭ Branskaj vobłaści byŭ paškodžany aŭtobus, jaki pieravoziŭ dziaciej z futbolnaj kamandy dziciača-junackaj spartyŭnaj škoły №2 horada Rečycy, a taksama navučencaŭ pryvatnaj tancavalnaj studyi. Jak śćviardžajuć rasijskija ŭłady, udar byŭ nibyta naniesieny ŭkrainskim bieśpiłotnikam.
U vyniku zdareńnia zahinuła žančyna, jakaja supravadžała hrupu dziaciej i była žonkaj treniera kamandy. Jašče vosiem čałaviek, u tym liku šaściora dziaciej, atrymali traŭmy roznaj stupieni ciažkaści.
RNBA Ukrainy: Pravakacyja nikčemnaja i maje ŭsie prykmiety skaardynavanaj apieracyi bieź jakich-niebudź faktyčnych dokazaŭ
Hubiernatar Branskaj vobłaści apublikavaŭ fotazdymki biełaruskich dziaciej z balnicy
Źjaviłasia VIDEA ź miesca traplańnia drona ŭ biełaruski aŭtobus
Ministr achovy zdaroŭja ŭdakładniŭ ličbu paciarpiełych u Branskaj vobłaści biełarusaŭ
U Rečycy raskazali padrabiaznaści fatalnaj pajezdki miascovych žycharoŭ u Rasiju. Aŭtobusaŭ było dva, dziaciej 41 z 88
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?18
Što viadoma pra žančynu, jakaja zahinuła ŭ aŭtobusie, što vioz biełaruskich futbalistaŭ-školnikaŭ u Hielendžyk?
Cichanoŭskaja pra ŭdar pa aŭtobusie ź biełaruskimi dziećmi: Nie ryzykujcie žyćciom — nie jedźcie ŭ Rasiju, jakaja viadzie złačynnuju i niespraviadlivuju vajnu2222
Kamientary