Vice-hubiernatar Homielščyny pra incydent pad Branskam: Pieravozčyki vybrali niebiaśpiečny maršrut praktyčna ŭ pryfrantavoj zonie
Namieśnik staršyni Homielskaha abłvykankama Dźmitryj Alejnikaŭ zrabiŭ kamientar dla dziaržaŭnaha telebačańnia, jakim častku viny za zdareńnie ŭskłaŭ na biełaruskich pieravozčykaŭ.
«Dla ažyćciaŭleńnia pajezdki byŭ układzieny dahavor ź niedziaržaŭnymi pieravozčykami IP «Ičub», zarehistravanym u Rečyckim i Kalinkavickim rajonach. Ažyćciaŭlałasia pieravozka hramadzian kolkaściu 88 čałaviek pa maršrucie Rečyca — Hielendžyk.
Pry hetym chaciełasia b zaŭvažyć, što pieravozčykami byŭ vybrany niebiaśpiečny maršrut praktyčna ŭ pryfrantavoj zonie», — adznačyŭ čynoŭnik.
Pavodle rasijskaj viersii, ahučanaj 17 červienia kiraŭnictvam Branskaj vobłaści, aŭtobus ź biełaruskimi dziećmi nibyta byŭ atakavany ŭkrainskim bieśpiłotnikam. Pry hetym zahinuła adna žančyna i jość jašče vosiem paciarpiełych, u tym liku šeść dziaciej.
Biełaruskaje Ministerstva zamiežnych spraŭ asudziła zdareńnie i nazvała jaho terarystyčnym aktam, zapatrabavaŭšy tłumačeńniaŭ ad ukrainskaha boku.
U svaju čarhu Hienieralny štab Uzbrojenych sił Ukrainy i Centr supraćdziejańnia dezynfarmacyi pry Radzie nacyjanalnaj biaśpieki i abarony Ukrainy źniapraŭdzili infarmacyju pra ŭdar. Pavodle ich śćviardžeńniaŭ, u nazvany čas ukrainskija vajskoŭcy naohuł nie vykarystoŭvali bieśpiłotniki dla atak na terytoryi Branskaj vobłaści.
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk27
Kamientary
Čaściej na Homielščynie rabicie vystaŭki "chierojaŭ sva" jak vy heta lubicie.