Ci možna pić biezałkaholnaje piva na plažy, patłumačyli ŭ milicyi
Ci možna vypić plašku biezałkaholnaha piva na łaŭcy ŭ parku ci la vadajoma i nie patrapić pad administracyjnuju adkaznaść? U efiry «Radyjo-Minsk» na pytańnie adkazaŭ pieršy namieśnik načalnika Minskaha departamienta achovy MUS Alaksandr Marozaŭ.
Akazvajecca, aśviažycca «nulovačkaj» na pryrodzie i pry hetym zastacca ŭ ramkach zakona nie atrymajecca. Pryčyna — u samim padychodzie zakanadaŭca da vyznačeńnia napoju.
«Praduhledžana adkaznaść za raśpićcio piva jak takoha. Zakanadaŭca nie padzialaje jaho na słabaałkaholnaje, biezałkaholnaje abo piva ŭ pryncypie», — adznačyŭ pradstaŭnik viedamstva.
Alaksandr Marozaŭ dadaŭ, što navat u biezałkaholnym piennym napoi ŭtrymlivajecca etyłavy śpirt, chaj i ŭ minimalnaj doli.
Akramia taho, u milicyi nie majuć mahčymaści vizualna vyznačyć skład vadkaści ŭ butelcy abo plašcy, a sam praces raśpivańnia padaje niehatyŭny prykład niepaŭnaletnim. Mienavita tamu supracoŭniki milicyi fiksujuć sam fakt užyvańnia praduktu, kab paźbiehnuć lišnich sprečak na miescy.
Nastupstvy za takoje parušeńnie całkam adčuvalnyja. Za pieršaje padobnaje pravaparušeńnie praduhledžany štraf da vaśmi bazavych adzinak (na siońnia 360 rubloŭ).
Kali ž na praciahu hoda trapicca paŭtorna, pakarańnie stanovicca bolš žorstkim: ad 2 da 15 bazavych adzinak.
Ciapier čytajuć
Staŭ viadomy prysud eks-pamočniku Łukašenki Iharu Bryło2
Kamientary