«U kožnaha svaja darožka». Videa ź junakom, jaki pajechaŭ na prapołku bulby pad Mazyrom, stała miemam
Karotkaje intervju z chłopcam sa studenckaha atrada, jakoje pakazali na TB, niečakana zavirusiłasia. Słovy junaka raźbirajuć na cytaty.
Na homielskim abłasnym telebačańni vyjšaŭ siužet pra studencki atrad, jaki pracuje na prapołcy bulby na palach ekśpierymientalnaj bazy «Kryničnaja» ŭ Mazyrskim rajonie.
Junak u intervju raskazaŭ pra svaju pieršuju pracu ŭ studatradzie.
«Pracuju ŭ studatradzie pieršy raz — usio vydatna. Na palach my tut źbirajem, pustazielle vyryvajem, jakaja trava inšaja. Bulbu nie čapajem. Chodzim pa palach. Va ŭsich jość svaja darožka.
Usio vydatna tut. Umovy ŭsie supier. Pracujem. Tak, ja kažu, tut va ŭsich pieršy raz amal. Usio vydali. Robu. Vada. Usio majecca. Kiepki, palčatki. Usio vydatna», — paśmiachajučysia apisvaje jon.
Hetyja kadry raźlacielisia pa sacsietkach.
«Hety chłopiec, zdajecca, choča stać novym miemam. Pacan da pośpiechu idzie — atrymajecca, pašancuje», — žartujuć u Threads.
«Jamu b na razdačy pazityvu pracavać», «Repčyk nam začytaŭ na adnym dychańni», — kamientujuć ludzi.
Karystalniki pačali raźbirać intervju na cytaty. Najčaściej paŭtaralisia frazy samoha chłopca:
«Bulbu nie čapajem».
«U kožnaha svaja darožka».
«Usio vydali: roba, vada, usio majecca».
«Jakuju travu jany tam źbirajuć?» — śmiajucca.
«Hety rassłableny biełaruski vajb», — acharaktaryzavaŭ videa inšy karystalnik.
Ciapier čytajuć
Mama Baženy Jaremič, jakaja rychtuje pryhažuń dla Łukašenki, kupiła elitny katedž koštam $837 tysiač26
Kamientary
zie adpačyvaje
maks korž taksama niervova kuryć niemnožka
šlach << <> >> << <> >> << <> >>