U Biełarusi prablema biaspłodździa zakranaje prykładna 14—16 % siamiejnych par. Zahadčyca łabaratoryi repraduktyŭnaha zdaroŭja DU «Respublikanski navukova-praktyčny centr «Maci i dzicia» Ministerstva achovy zdaroŭja Taćciana Vaščylina adznačaje, što kolkaść takich vypadkaŭ pastupova pavialičvajecca nie tolki ŭ našaj krainie, ale i va ŭsim śviecie, piša BiełTA.
Daktary rekamiendujuć nie adkładvać abśledavańnie: kali na praciahu hoda pry płanavańni ciažarnaści jana nie nadychodzić, nieabchodna źviarnucca da śpiecyjalistaŭ. Najbolš raspaŭsiudžanymi pryčynami biaspłodździa ličacca hiniekałahičnyja zachvorvańni, pieraniesienyja infiekcyi, harmanalnyja parušeńni, endamietryjoz, spaječnyja pracesy, a taksama paharšeńnie jakaści śpiermy ŭ mužčyn.
Dla padtrymki takich siemjaŭ u Biełarusi dziejničajuć dziaržaŭnyja prahramy. Lačeńnie ŭklučaje jak tradycyjnyja miedycynskija mietady, tak i dapamožnyja repraduktyŭnyja technałohii, u tym liku ekstrakarparalnaje apładnieńnie (EKA). Dziaržava apłačvaje dźvie biaspłatnyja sproby EKA. Skarystacca hetaj mahčymaściu mohuć jak žančyny, jakija znachodziacca ŭ šlubie, tak i tyja, chto nie maje muža.
Niadaŭna ŭrad zaćvierdziŭ novy paradak pradastaŭleńnia biaspłatnych sprob EKA. Ciapier nie treba źviartacca ŭ rehijanalnyja kamisii dla atrymańnia prava na ŭdzieł u prahramie. Akramia taho, vyznačany asablivaści praviadzieńnia druhoj biaspłatnaj sproby pry najaŭnaści zamarožanych embryjonaŭ, a ŭsie biaspłatnyja prahramy buduć pravodzicca na bazie Respublikanskaha navukova-praktyčnaha centra «Maci i dzicia».
Navukoŭcy: žančyny dasiahajuć «krytyčnaj kropki» fiertylnaści prykładna ŭ 49 hadoŭ
Suśvietny kryzis fiertylnaści: 54 miljony žančyn nie mohuć zaciažarać
Hanareja i sifilis u Jeŭropie dasiahnuli rekordnaha ŭzroŭniu
Biełaruskija navukoŭcy z Homiela raspracavali bijadabaŭku dla lačeńnia mužčynskaha biaspłodździa
Ciapier čytajuć
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać2626
Kamientary
[Zredahavana]