Aleksijevič raskazała, jak mocna jaje adnojčy ŭraziŭ Statkievič: «Jon dakładna pradkazvaje novyja niebiaśpieki»
Nobieleŭskaja łaŭreatka Śviatłana Aleksijevič u intervju «Svabodzie» prakamientavała rezanansnaje papiaredžańnie Mikoły Statkieviča pra niebiaśpieku, što moža pieratvaryć terytoryju našaj krainy ŭ «zonu śmierci».
— Mikoła Statkievič, jaki prabyŭ kala 6 hadoŭ za kratami, jaki admoviŭsia być vyviezienym ź Biełarusi, i potym praź insult, praź ciažkuju chvarobu damohsia viartańnia dadomu, zavioŭ svoj Telegram-kanał i ŭ adnym ź pieršych tekstaŭ napisaŭ: mahčyma, ja vyžyŭ, kab skazać biełarusam pra vialikuju pahrozu taho, što Rasija raźmiaščaje jadziernuju zbroju ŭ Biełarusi i moža nanieści z terytoryi Biełarusi ŭdar pa Jeŭropie. A Biełaruś moža stać mišeńniu dla ŭdaru ŭ adkaz. Jak vy aceńvajecie pahrozu, pra jakuju papiaredžvaje Mikoła Statkievič? — spytała «Svaboda» ŭ Aleksijevič.
— Statkievič robić na mianie ŭražańnie čałavieka, jaki zdahadvajecca pra budučyja časy. Pamiataju, jak u 2019 hodzie, jašče ŭsio było spakojna, jon pryjšoŭ da mianie i skazaŭ: «Śviatłana, heta apošniaja, pa-mojmu, viasna, jakuju my žyviom na voli. Chutka buduć zusim inšyja časy». I ja jamu nie pavieryła.
Niedzie mienš čym praz paŭhoda adbyłosia toje, što jon pradkazvaŭ. I ciapier, dumaju, jon vielmi dakładna pradkazvaje novyja niebiaśpieki. Heta tak. My stanovimsia takim vyprabavalnym płacdarmam. Rasija adsoŭvaje niebiaśpieki mahčymaj Treciaj suśvietnaj vajny na našu terytoryju, kab heta było spačatku z nami. Tak, jon maje racyju. Dumaju, što takaja niebiaśpieka isnuje.
Ciapier čytajuć
U Biełarusi zaćvierdzili praviły evakuacyi kaštoŭnaściaŭ na vypadak vajny: cehłu z Bresckaj krepaści z nadpisami buduć ratavać pierš za karciny Šahała i Sucina1414
Kamientary