Na terytoryi Małdovy ŭpaŭ i vybuchnuŭ rasijski dron. Małdova adklikała svajho pasła
Ministerstva zamiežnych spraŭ Małdovy asudziła incydent u vioscy Krokmaz Štefan-Vodskaha rajona, dzie ŭpaŭ i vybuchnuŭ bieśpiłotnik.
U małdaŭskim MZS zajavili, što zdareńnie źjaŭlajecca hrubym parušeńniem suvierenitetu i terytaryjalnaj cełasnaści krainy, a taksama stvaraje pahrozu dla žyćcia hramadzian.
U suviazi ź incydentam Małdova adklikaje svajho pasła ŭ Rasii z Maskvy dla kansultacyj.
Małdaŭskaje viedamstva taksama padkreśliła, što kraina asudžaje vajnu Rasii suprać Ukrainy i jaje niehatyŭnyja nastupstvy dla biaśpieki ŭ rehijonie.
Pra mahutny vybuch kala Krokmaza stała viadoma dniom 9 žniŭnia. Paźniej ułady Štefan-Vodskaha rajona apublikavali fatahrafii abjekta, padobnaha da bieśpiłotnika, jaki ŭpaŭ na ŭskrainie vioski.
10 žniŭnia palicyja paviedamiła, što na poŭdni Małdovy kala Krokmaza vybuchnuŭ bajavy bieśpiłotnik. Pavodle małdaŭskich pravaachoŭnikaŭ, aparat takoha typu ŭpieršyniu byŭ zafiksavany na terytoryi krainy.
Ustanoŭlena, što bieśpiłotnik sutyknuŭsia z drevam i vybuchnuŭ na vyšyni kala 2,5 mietra. U vyniku vybuchu jaho frahmienty raźlacielisia na značnuju adlehłaść i paškodzili dachi i haspadarčyja pabudovy niekalkich žyłych damoŭ.
Raniej paviedamlałasia, što ŭ vyniku incydentu nichto nie zahinuŭ i nie paciarpieŭ. Małdaŭskija śpiecyjalisty praciahvajuć vyśviatlać dakładny typ i pachodžańnie bieśpiłotnika.
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku10
Kamientary