«Bajsoł» papiaredžvaje pra fejkavy bot, jaki vydaje siabie za słužbu evakuacyi
Siłaviki stvaryli fejkavy bot dla pastki infarmataram «Biełaruskaha Hajuna», miarkujuć u «Bajsoł».
U Telegram źjaviŭsia padrobleny bot, jaki vydaje siabie za słužbu evakuacyi fondu «Bajsoł» i abiacaje terminovuju dapamohu tym, chto dasyłaŭ źviestki pra pieramiaščeńnie vojskaŭ.
Užo viadomyja vypadki, kali padpiska na padrobleny bot stanaviłasia padstavaj dla kryminalnaha pieraśledu, papiaredžvaje «Bajsoł».
U apisańni bota havorycca, što jon «stvorany dla apieratyŭnaj evakuacyi hramadzian Respubliki Biełaruś, jakija adpraŭlali infarmacyju ŭ «Biełaruski Hajun» i aścierahajucca za svaju biaśpieku».
Nasamreč hetaja inicyjatyva stvorana śpiecsłužbami dla identyfikacyi hramadzian i fabrykavańnia kryminalnych spraŭ, a padpiska na fejkavy resurs užo stała padstavaj dla represij, piša «Bajsoł».
Pradstaŭniki arhanizacyi zajaŭlajuć, što pryncypova nie vykarystoŭvajuć boty dla pracy sa zvarotami, i zaklikajuć praviarać praŭdzivyja kantakty vyklučna na ich aficyjnym sajcie.
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara9
Kamientary
Navina pra mienavita taki bot užo vychodziła tady, jakraz paśla źliva čata "Hajuna", 10.02.2025.
Z čaho vynikaje: chutčej za ŭsio, niechta ŭ BYSOL paŭtorna sustreŭ toj bot i zabyŭ pra papiaredniuju navinu.
Drennaha nie zdaryłasia. Naadvarot, lepš lišni raz nahadać.
Adnak usio roŭna ŭražvaje biazdumnaść ŚMI. Usie pieradrukavali i nichto nie pryhadaŭ, što ŭžo było, nichto nie šukaŭ kantekst i pieradhistoryju.
Sama łohika źjaŭleńnia zaraz śviedčyła by pra toje, što idzie niejkaja novaja chvala, žadajuć "dahrabci" jašče nie zatrymanych. Ale tłumačeńnie pra stary bot zdymaje hetuju viersiju.