Losavańnie — siońnia.
Vyznačylisia ŭsie ŭdzielniki asnoŭnaha raŭndu futbolnaj Lihi čempijonaŭ. U im voźmie ŭdzieł 36 kamandaŭ.
29 kłubaŭ trapili ŭ asnoŭny raŭnd zahadzia pa vynikach nacyjanalnych čempijanataŭ. Heta «PSŽ», «Arsienał», «Mančester Sici», «Mančester Junajted», «Astan Viła», «Livierpul», «Inter», «Napali», «Roma», «Koma», «Barsiełona», «Reał», «Atletyka», «Viljareał», «Bietys», «Bavaryja», «Barusija Dortmund», «Lejpcyh», «Štuthart», «Łans», «Lil», PSV, «Fiejenord». «Portu». «Sportynh». «Bruhie», Słavija Praha, «Hałatasaraj», «Šachcior».
Siem kamand prabilisia praz raŭndy kvalifikacyi. Heta azierbajdžanski «Sabach», narviežskija «Boda-Hlimt» i «Vikinh», aŭstryjski ŁASK, hrecki AJEK, turecki «Fienierbachče», słavacki «Słovan».
U asnoŭnym raŭndzie voźmie ŭdzieł 36 kłubaŭ. Treci hod zapar asnoŭny raŭnd pravodzicca pa novaj sistemie. Zaraz niama padziełu na hrupy. A kožnaja kamanda atrymlivaje vosiem randomnych supiernikaŭ roznaj siły, pa dźvie z kožnaha košyka.
Losavańnie projdzie siońnia a 19-j.
Matčy startujuć 8‑10 vieraśnia i zakančvajucca ŭ studzieni.
Vosiem najlepšych kamandaŭ aŭtamatyčna traplajuć u 1/8 finału, a kłuby, jakija zojmuć miescy ŭ ahulnaj tablicy z 9‑ha pa 24-je, hulajuć u stadyi płej-of.
«MŁ Viciebsk» sioleta startavaŭ u pieršym raŭndzie kvalifikacyi Lihi čempijonaŭ, adrazu prajhraŭ rumynskaj «Univiersitaci» z Krajovy, vybyŭ u kvalifikacyju Lihi kanfierencyj, dzie vylecieŭ u trecim raŭndzie. Nivodny biełaruski kłub znoŭ nie dabraŭsia da asnoŭnaj stadyi jeŭrakubkaŭ.
Minskija ŭłady raskazali, jak buduć zmahacca z «akijanam aŭtamabilaŭ» u dvarach2
Kamientary