U Rastoŭskaj vobłaści atakavany skład Ozon. Paciarpieli siem čałaviek
Abłomki bieśpiłotnikaŭ vyjaŭlenyja na terytoryi składskich pamiaškańniaŭ.
Siem čałaviek paciarpieli ŭ vyniku abstrełaŭ Rastoŭskaj vobłaści, atakavany skład Ozon Pra heta paviedamili hubiernatar rehijona Juryj Ślusar i pres-słužba markietplejsa.
Čaćviarych čałaviek špitalizavali paśla ŭdaraŭ pa Rastovu-na-Donie: u Praletarskim rajonie byli paškodžanyja dva šmatpaviarchovyja damy. Jašče troje čałaviek źviarnulisia pa miedycynskuju dapamohu z-za atak pa Aksajskim rajonie.
«Abłomki bieśpiłotnikaŭ vyjaŭlenyja na terytoryi składskich pamiaškańniaŭ. Taksama ŭ vyniku padzieńnia abłomkaŭ BPŁA adbyłosia ŭzharańnie ŭ lesapałasie», — dadaŭ Ślusar.
U Ozon nie stali ŭdakładniać, jakija mienavita łahistyčnyja abjekty zaznali ataku, ale adznačyli, što supracoŭnikaŭ zahadzia evakujavali, a infarmacyi pra paciarpiełych pakul niama.
«My na čas spynili pracu kompleksu, kab ekstrannyja słužby ahledzieli terytoryju i pierakanalisia, što znachodzicca tam absalutna biaśpiečna. Z-za niebiaśpieki ŭ rajonie, dzie znachodzicca naš druhi łahistyčny centr, adtul evakujavali rabotnikaŭ. Nichto nie paciarpieŭ. Abjekt ceły, ale ź mierkavańniaŭ biaśpieki jaho pracu pakul prypynili — taksama časova nie prymajem tam pastaŭki pradaŭcoŭ», — adznačyli ŭ kampanii.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»20
Kamientary