U svaich rolikach Andrej Nikicin padtrymlivaje Łukašenku i napadaje na apazicyju i krainy Zachadu.
Błohier Andrej Nikicin abaraniaje Łukašenku, krytykuje apazicyju i Zachad, a dziaržaŭnaja presa stavić jaho ŭ prykład. Adnak sud Łojeŭskaha rajona zanios jaho akaŭnt u śpis «ekstremisckich materyjałaŭ».
Rašeńnie ab pryznańni «ekstremisckaj» infarmacyjnaj pradukcyi tyktok-akaŭnta «Tot samyj Biełorus» sud Łojeŭskaha rajona pryniaŭ 31 žniŭnia. Na heta źviarnuŭ uvahu resurs «Vitiebsk, ja hulaju!».
Staronka naležyć Andreju Nikicinu z Mazyrskaha rajona. Na momant pryznańnia ekstremisckaj jana mieła 37,3 tysiačy padpisčykaŭ.
U svaich rolikach Nikicin padtrymlivaje Łukašenku, napadaje na apazicyju i krainy Zachadu, a taksama paŭtaraje aficyjnuju viersiju padziej 2020 hoda.
U lutym 2024 hoda dziaržaŭnaja «SB» pryśviaciła Nikicinu vialiki chvalebny materyjał. Błohiera nazyvali «bajcom infarmacyjnaha frontu», «niazłomnym i bieskampramisnym» i raskazvali, jak jon dapamahaje farmiravać infarmacyjny paradak dnia.
Mahčyma, sud i prakuraturu źbili z pantałyku iraničnyja zahałoŭki jaho rolikaŭ: «Jak režym Łukašenki ździekujecca ź biełarusaŭ», «Davioŭ Łukašenka Biełaruś», «Jak biełarusy žyvuć u takoj dyktatury». Sami videa pry hetym uschvalajuć biełaruskija ŭłady.
Kamientary