U Breście čačeniec abrabavaŭ zimbabvijca. Biełarus dapamahaŭ rabavać, ale kašalok viarnuŭ
Achoŭnik karaokie-kłuba «Žemčuh» nie puściŭ afrykanca ŭnutr, a praź dziesiać chvilin razam sa znajomym dahnaŭ jaho na vulicy.
9 krasavika 2023 hoda kala 5:20 ranicy da ŭvachoda ŭ brescki karaokie-kłub «Žamčuh» padyšoŭ hramadzianin Zimbabve. Kala dźviarej stajali dvoje pjanych mužčyn — achoŭnik hetaha ž kłuba, jaki ŭ toj dzień adpačyvaŭ, i jaho znajomy čačeniec Šamil Bicijeŭ. Achoŭnik uziaŭ zimbabvijca za rukaŭ i nie puściŭ u kłub. Toj pajšoŭ u bok internata.
Praź dziesiać chvilin abodva sieli ŭ džyp Grand Cherokee, za rulom jakoha byŭ jašče ich znajomy. Pavodle pakazańniaŭ kiroŭcy, u mašynie Bicijeŭ «prapanavaŭ znajści niehra». Kali pabačyli zimbabvijca na piešachodnaj darožcy, pabiehli za im.
Afrykaniec staŭ uciakać i klikać na dapamohu, ale jaho dahnali. Čačeniec źniaŭ ź jaho kurtku i dastaŭ z kišeniaŭ pašpart, rasčosku i kašalok. Pašpart viarnuŭ. Kašalok pieradaŭ achoŭniku, toj dastaŭ adtul dźvie kupiury pa 50 rubloŭ i viarnuŭ kašalok.
U vyniku zabrali ciomna-siniuju kurtku za 100 rubloŭ, rasčosku za 15 rubloŭ i 100 rubloŭ hrašyma — razam na 215 rubloŭ.
Kiroŭca ŭvieś čas siadzieŭ u mašynie i zdymaŭ toje, što adbyvałasia, na telefon. Zapis praciahłaściu kala dźviuch z pałovaj chvilin staŭ dokazam u spravie razam ź videa z kamier karaokie-kłuba i susiedniaha budynka. U 5:46 afrykaniec pazvaniŭ u milicyju.
Achoŭnika sudzili ŭ Breście. Jon byŭ pryznany vinavatym pa č. 2 art. 206 Kryminalnaha kodeksa — hrabiež, učynieny hrupaj asob — i atrymaŭ try miesiacy aryštu. Rasavy matyŭ u spravie nie razhladaŭsia, choć u biełaruskim kodeksie heta samastojnaja kvalifikujučaja prykmieta.
A voś Šamil Bicijeŭ paśpieŭ uciačy. Pa słovach jaho maci, u kancy jaje syn źjechaŭ u Turcyju, adtul u Charvatyju, a paśla ŭ Aŭstryju, dzie znachodzicca ciapier.
U krasaviku 2026 hoda Bicijeva asudzili zavočna ŭ Čačni — jamu dali 1 hod kałonii.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary