Stała viadomaje imia druhoj biełaruski, jakaja zhinuła pad sielem u Niepale. Heta 24‑hadovaja Iryna z žurfaka BDU
Iryna Badziłoŭskaja sa Śvietłahorska žyła na Paŭnočnym Kipry i časta padarožničała pa ŭschodniaj Azii.
U Niepale paśla katastrafičnaj pavodki ŭ rajonie raki Bchatekošy źnikła bieź viestak 24‑hadovaja hramadzianka Biełarusi Iryna Badziłoŭskaja (Iryna Badzilouskaya). Jaje imia značycca ŭ aficyjnych śpisach źnikłych turystaŭ, apublikavanych Departamientam turyzmu Niepała.
Pavodka, vyklikanaja razbureńniem ledavika i praryvam vady z boku Tybieta, nakryła rehijon Rasuva naprykancy žniŭnia i pryviała da hibieli tysiač čałaviek. Siarod zamiežnych hramadzian, suviaź ź jakimi dahetul adsutničaje, ličacca dvoje biełarusaŭ. Zhodna sa źviestkami niepalskich čynoŭnikaŭ, dziaŭčyna vypraviłasia pa maršrucie samastojna, nie karystajučysia pasłuhami ahienctva.
Iryna Badziłoŭskaja naradziłasia 2 kastryčnika 2001 hoda. Jana sa Śvietłahorska. Pa infarmacyi Belpol, vučyłasia ŭ miascovaj škole №11, a ŭ 2019‑m pastupiła na fakultet žurnalistyki BDU.
Apošnija try hady Iryna žyła na Paŭnočnym Kipry sa svajoj kotkaj Beci i pastajanna vandravała. U sacsietkach dziaŭčyny zafiksavanyja pajezdki pa Paŭdniova-Uschodniaj Azii — ad Bali i Banhkoka da Kuała-Łumpura.
U krasaviku 2025 hoda Badziłoŭskaja była ŭ Niepale.
«Heta była maja samaja karotkaja vandroŭka, ale ja paśpieła pabyvać u bolšaści viadomych miescaŭ u Katmandu. Niepał dla mianie — heta centr usich pravadoŭ śvietu. Ich miljard na adnym m2! Małpački na kožnym kroku, miljon malitoŭnych ściahoŭ Tybieta i roznyja chramavyja kompleksy (i ŭsio heta ŭ pieramiešku z pravadami)», — pisała dziaŭčyna.
U červieni 2026 hoda Badziłoŭskaja vyrašyła pakinuć Kipr i viarnucca ŭ Biełaruś, adnak nieŭzabavie vypraviłasia ŭ novaje padarožža ŭ Niepał — dzie i trapiła ŭ zonu stychijnaha biedstva.
«Naša Niva» — bastyjon biełaruščyny
PADTRYMAĆ
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia3
Pamiatajecie paru studentki i vykładčyka duchoŭnaha vučylišča, jaki starejšy za jaje na 31 hod? Jany raźbiehlisia
Elektronnuju «Biełaruskuju encykłapiedyju», stvoranuju jak prastoru «vierahodnych viedaŭ pra Biełaruś», cicha likvidavali razam z redakcyjaj. Kupu artykułaŭ pieradali Hihinu77
Kamientary
voś by raskułačyć ich, tak?