«Jechać užo nichto nie chacieŭ». Aŭtobus pačaŭ dymicca, ale kiroŭca chacieŭ jechać dalej
Vypadak adbyŭsia na rejsie Minsk — Sankt-Pieciarburh.
Dziaŭčyna raskazała pra toje, što 12 vieraśnia a 21:00 aŭtobus, jaki jechaŭ pa maršrucie Minsk — Sankt-Pieciarburh, zadymiŭsia na trasie pamiž Lepielem i Biahomlem. Miarkujučy pa videa, zadymleńnie było kala koła.
— U ludziej kvitki na samalot ź vielmi małym zapasam času na pierasadku, u mianie pierasadka, ale, na ščaście, na terytoryi krainy, — piša dziaŭčyna.
Taksama pasažyrka raskazała, što ŭstojlivy pach byŭ u aŭtobusie jašče padčas pasadki.
— Śpisała ŭsio na toje, što niedzie pad mnoj paliŭny bak. U vyniku paśla dvuch prypynkaŭ aŭtobus zadymiŭsia tak, što ad pachu dymu było niemahčyma znachodzicca ŭ sałonie. Paśla čarhovaha prypynku vadzicieli byli hatovyja praciahnuć pajezdku, ale jechać užo nichto nie chacieŭ. Čamu my pačali ruch na niaspraŭnym transpartnym srodku — vialikaje pytańnie.
Dziaŭčynie było važna dajechać da miesca pryznačeńnia, bo tam jaje čakaŭ tranśfier u ES.
— Praz 20 chvilin sprobaŭ udałosia złavić spadarožnuju mašynu z cudoŭnaj siamiejnaj paraj, jakaja pa źbiehu abstavinaŭ taksama jechała prosta ŭ Połack.
Onliner.by źviarnuŭsia ŭ «Minsktrans» pa kamientar:
— Padčas ruchu pa maršrucie Minsk — Sankt-Pieciarburh adbyłasia techničnaja niaspraŭnaść pnieŭmatyčnaj sistemy aŭtobusa. U metach biaśpieki pasažyraŭ i darožnaha ruchu transpartny srodak byŭ spynieny. Na miesca zdareńnia apieratyŭna nakiravali padmienny aŭtobus, u jaki pierasadzili pasažyraŭ. U vyniku zatrymka ŭ darozie skłała nie bolš za 3 hadziny, a ŭ kančatkovy punkt pryznačeńnia aŭtobus prybyŭ sa spaźnieńniem usiaho na 1 hadzinu. Paśla pierasadki pasažyraŭ niaspraŭny aŭtobus viarnuŭsia ŭ park dla praviadzieńnia techničnaha absłuhoŭvańnia i ramontu.
Ciapier čytajuć
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1616
Kamientary