28‑hadovaha avijatara asudzili na 13 hadoŭ kałonii: «zdrada dziaržavie» za pierapisku z adnakurśnikami z USU
Taksama dali hihancki štraf.
Śviatasłava Padvašeckaha Minski haradski sud asudziŭ da 13 hadoŭ pazbaŭleńnia voli va ŭmovach uzmocnienaha režymu, piša «Viasna».
Jaho pryznali vinavatym pavodle č. 1 art. 328 (niezakonny abarot narkotykaŭ) i č. 1 art. 356 Kryminalnaha kodeksa (zdrada dziaržavie). Akramia pazbaŭleńnia voli, sud pryznačyŭ štraf 500 bazavych vieličyniaŭ (22 500 rubloŭ).
Praces prachodziŭ u zakrytym režymie. Tamu ŭ adkrytym dostupie niama padrabiaznaściaŭ abvinavačańnia i dokazaŭ, na padstavie jakich sud vynies prysud: pa č. 1 art. 328 — dva hady pazbaŭleńnia voli, pa č. 1 art. 356 — 12 hadoŭ pazbaŭleńnia voli. Śviatasłaŭ ciapier znachodzicca ŭ SIZA №1 u Minsku.
Śviatasłaŭ naradziŭsia 15 vieraśnia 1998 hoda, skončyŭ lotnaje vučylišča va Ukrainie, paśla čaho viarnuŭsia ŭ Biełaruś i prachodziŭ stažyroŭku ŭ «Biełavija». Jaho baćka taksama byŭ piłotam.
Jon praciahvaŭ padtrymlivać suviaź z byłymi adnakurśnikami. Častka ź ich paśla pačatku poŭnamaštabnaj vajny va Ukrainie dałučyłasia da Uzbrojenych sił Ukrainy. Mienavita pierapiska z hetymi ludźmi mahła stać padstavaj dla pieraśledu. Niezadoŭha da zatrymańnia mužčyna dasłaŭ znajomamu fatahrafiju samalota, na jakim prachodziŭ stažyroŭku, z paviedamleńniem pra toje, što budzie na im lotać. Paśla čaho 10 červienia 2025 hoda jaho zatrymali.
Ciapier čytajuć
«Čamu my pavinny niejak uščemlivać siabie?». Dyrektarka RTBD patłumačyła, čamu pastaviła śpiektakl pavodle Puškina ŭ adnym z apošnich teatraŭ krainy, jaki pracavaŭ pa-biełarusku12
Kamientary