28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Таксама далі гіганцкі штраф.
Святаслава Падвашэцкага Мінскі гарадскі суд асудзіў да 13 гадоў пазбаўлення волі ва ўмовах узмоцненага рэжыму, піша «Вясна».
Яго прызналі вінаватым паводле ч. 1 арт. 328 (незаконны абарот наркотыкаў) і ч. 1 арт. 356 Крымінальнага кодэкса (здрада дзяржаве). Акрамя пазбаўлення волі, суд прызначыў штраф 500 базавых велічыняў (22 500 рублёў).
Працэс праходзіў у закрытым рэжыме. Таму ў адкрытым доступе няма падрабязнасцяў абвінавачання і доказаў, на падставе якіх суд вынес прысуд: па ч. 1 арт. 328 — два гады пазбаўлення волі, па ч. 1 арт. 356 — 12 гадоў пазбаўлення волі. Святаслаў цяпер знаходзіцца ў СІЗА №1 у Мінску.
Святаслаў нарадзіўся 15 верасня 1998 года, скончыў лётнае вучылішча ва Украіне, пасля чаго вярнуўся ў Беларусь і праходзіў стажыроўку ў «Белавія». Яго бацька таксама быў пілотам.
Ён працягваў падтрымліваць сувязь з былымі аднакурснікамі. Частка з іх пасля пачатку поўнамаштабнай вайны ва Украіне далучылася да Узброеных сіл Украіны. Менавіта перапіска з гэтымі людзьмі магла стаць падставай для пераследу. Незадоўга да затрымання мужчына даслаў знаёмаму фатаграфію самалёта, на якім праходзіў стажыроўку, з паведамленнем пра тое, што будзе на ім лётаць. Пасля чаго 10 чэрвеня 2025 года яго затрымалі.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары12
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»11
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары