Ułady Francyi zakryvajuć sotni škoł z-za pratestaŭ, što nie spyniajucca
U paniadziełak, 6 kastryčnika, u Francyi całkam abo častkova spyniać zaniatki ŭ 400—500 škołach. Ułady zajaŭlajuć, što nie mohuć harantavać biaśpieku na fonie masavych pratestaŭ navučencaŭ, jakija skardziacca na niedachop nastaŭnikaŭ, pierapoŭnienyja kłasy i kiepski stan školnych budynkaŭ, piša VVS.
Pra zakryćcio navučalnych ustanoŭ paviedamiŭ ministr adukacyi Francyi Eduar Žefre. Pavodle jaho, z pačatku pratestaŭ 24 škoły byli padpalenyja abo razrabavanyja, 78 supracoŭnikaŭ sistemy adukacyi atrymali ranieńni.
«Heta toje, čaho my nikoli raniej nie bačyli», — skazaŭ ministr.
Pratesty pačalisia 17 vieraśnia ŭ adnoj z paryžskich škoł, a paźniej pieraraśli ŭ ahulnanacyjanalnyja akcyi z udziełam tysiač ludziej. Padčas sutyknieńniaŭ palicyja ŭžyvała ślezaciečny haz i dubinki.
Pavodle ministra justycyi Žeralda Darmaniena, u toj ci inšaj stupieni ad biesparadkaŭ paciarpieli 735 z 3700 francuzskich škoł. Ministr adukacyi paabiacaŭ, što zaniatki buduć adnaŭlacca pastupova, kali situacyja stabilizujecca.
Žefre śćviardžaje, što da pratesnaha ruchu dałučylisia radykalnyja aktyvisty: «Jość aktyvisty — u pryvatnaści, z ultralevaha łahiera, — jakija pranikli ŭ ruch staršakłaśnikaŭ, faktyčna adabrali jaho ŭ samich navučencaŭ i źviartajucca da krajniaha hvałtu. Vidavočna, što heta stvaraje niebiaśpieku jak dla našych supracoŭnikaŭ, tak i dla vučniaŭ».
Tolki ŭ piatnicu palicyja zatrymała 1747 čałaviek. Ahułam z pačatku pratestaŭ byli zatrymanyja bolš za piać tysiač čałaviek, kala 85% ź ich — niepaŭnaletnija.
U horadzie Ła-Śjota na poŭdni Francyi zatrymali 16‑hadovaha padletka, jakoha padazrajuć u napadzie na 59‑hadovaha nastaŭnika. Pavodle paviedamleńniaŭ miedyja, piedahoha źbili i ablili bienzinam.
U Bielfory hrupa padletkaŭ źbivała nahami palicejskaha, jaki lažaŭ na ziamli. Pa hetaj spravie zatrymali dvuch hramadzian Bałharyi va ŭzroście 15 i 17 hadoŭ. Adzin ź ich paźniej sam padaŭ zajavu ab zamachu na zabojstva z boku palicejskaha.
Arhanizatary zaklikali praciahnuć demanstracyi ŭ aŭtorak, abvinavaciŭšy ŭrad u adsutnaści kankretnych krokaŭ.
Premjer-ministr Siebaśćien Lekarniu paabiacaŭ palepšyć materyjalnuju bazu škoł, arhanizacyju navučalnaha dnia i pracu płatformy dla pastupleńnia va ŭniviersitety.
Francuzskaje adździaleńnie Amnesty International asudziła «niepraparcyjny hvałt z boku palicyi» i zapatrabavała dazvolić moładzi svabodna vykazvać niezadavolenaść.
«Ułady pavinny dazvolić maładym ludziam karystacca hetymi pravami, nie bajučysia trapić pad dziejańnie hranat sa ślezaciečnym hazam abo dubinak, a taksama advolnaha zatrymańnia palicyjaj», — zajaviła kiraŭnica arhanizacyi An Saviniel-Baras.
Ministr unutranych spraŭ Łaran Nuńjes adchiliŭ abvinavačańni. Pavodle jaho, siłaviki «nie pieraśledujuć maładych ludziej», a abaraniajuć tych školnikaŭ i studentaŭ, jakija chočuć vykazać svaje patrabavańni mirnym šlacham.
Ciapier čytajuć
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha45
Kamientary
Na vidieo iz Francii vidno kak musora NIESOVIERŠIENNOLETNICH školnikov nabutylivajut po połnoj: i hazom ljut, i nohami pinajut i diemokratizatorami podmołaživajut.
Diemokratiċnieńko tak: Libiertie, Ehalitie, Fratiernitie, tak skazať.
A chudožnika Pavlenskoho za akciju protiesta vo Francii voobŝie na durku kinuli, a potom na zonu i jeŝio štraf.