Heta stała simvaličnaj pieramohaj Pucina, jakomu paśla pačatku poŭnamaštabnaj vajny va Ukrainie pierastali pastupać vinšavańni ad kiraŭnikoŭ bujnych zachodnich dziaržaŭ.
Telefonnaja razmova Uładzimira Pucina z Donaldam Trampam uviečary 9 kastryčnika dazvoliła rasijskamu prezidentu atrymać pieršaje, miarkujučy z adkrytych krynic, asabistaje vinšavańnie z dniom naradžeńnia ad amierykanskaha lidara. Paviedamleńniaŭ pra takija vinšavańni nie było ni padčas pieršaha, ni padčas druhoha prezidenckich terminaŭ Trampa, piša «Ahienctva».
Heta stała simvaličnaj pieramohaj Pucina, jakomu paśla pačatku poŭnamaštabnaj vajny va Ukrainie pierastali pastupać vinšavańni ad kiraŭnikoŭ bujnych zachodnich dziaržaŭ.
Zaraz Kreml atrymaŭ mahčymaść prademanstravać, što rasijski prezident nie znachodzicca ŭ poŭnaj mižnarodnaj izalacyi.
Pra vinšavańnie Trampa paviedamiŭ u noč na subotu pamočnik prezidenta Rasii Juryj Ušakoŭ. Pavodle jaho słoŭ, jašče 7 kastryčnika śpiecyjalny pasłańnik amierykanskaha prezidenta Styŭ Uitkaf paprasiŭ pieradać Pucinu «sardečnyja vinšavańni i najlepšyja pažadańni» ad Trampa.
Padčas telefonnaj razmovy Pucina i Trampa 9 kastryčnika amierykanski prezident pavinšavaŭ Pucina z dniom naradžeńnia, jaki ŭžo prajšoŭ, i pažadaŭ jamu pośpiechaŭ i dabrabytu. Tramp taksama pieradaŭ pryvitańnie ad svajoj žonki Miełanii, raskazaŭ Ušakoŭ.
Navat padčas pieršaha prezidenckaha terminu Trampa paviedamleńniaŭ pra jaho vinšavańni Pucinu nie było.
Paśla viartańnia ŭ prezidenckaje kresła ŭ 2025 hodzie Tramp taksama nie pavinšavaŭ Pucina. Heta paćvierdziŭ 15 kastryčnika pres-sakratar Kramla Dźmitryj Piaskoŭ.
Cikava, što 8 kastryčnika 2026 hoda (užo paśla taho, jak Uitkaf, pavodle apošniaj zajavy Ušakova, pieradaŭ Pucinu vinšavańni ad Trampa) Piaskoŭ paviedamiŭ na bryfinhu, što vinšavalnaja telehrama ad Trampa nie pastupała.
Sam Pucin za dva prezidenckija terminy Trampa vinšavaŭ jaho z dniom naradžeńnia jak minimum trojčy. U červieni 2018 hoda jon nakiravaŭ vinšavalnuju telehramu. Paśla viartańnia Trampa ŭ Bieły dom Pucin vinšavaŭ jaho štohod: u červieni 2025 hoda — pa telefonie, a ŭ červieni 2026 hoda — pa telefonie i piśmovym pasłańniem, apublikavanym na sajcie Kramla.
Ciapier čytajuć
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje10
Prabityja lohkija, razarvanaja piečań i seks z małaletniaj: što adbyvajecca ŭnutry biełaruskaj milicyi i jak načalstva heta chavaje
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
I aktivy "Łukojła" pristroili v nužnyje ruki, i śniali sankcii s rośsijskoho diziela, i poobieŝali zabłokirovať raźvieddannyje i vojennuju pomoŝ Ukrainie, i obo vsiom dohovoriliś za śpinoj Ukrainy, prosto postaviv pieried faktom !